Ózbekstan mámleketlik mákemeleri hám jámietlik xızmet xızmet xızmetkerleri kásiplik awqamı Qaraqalpaqstan Keńesi hám Qaraqalpaqstan Respublikası Ishki isler ministrligi tárepinen Nókis qalası Jaslar orayında Ózbekstan Respublikası Ishki isler uyımları xızmetkerleri kúni hám «Kásiplik awqamlarına 120 jıl» bayramları múnásibeti menen ishki isler xızmetkerleri arasında «Zakovat» intellektuallıq oyını ótkerildi.

Bul ilajda qatnasqan hayal-qızlar hár biri altı adamnan ibarat 12 toparda óz-ara bellesti, aqıl-oyın, bilim dárejesin hám bar sheberligin kórsetti.

Oyın dawamında komandalar berilgen sorawlarǵa jedellik penen juwap berdi hám tán alındı.

Jeńimpaz komandalarǵa shólkemlestiriwshiler Ózbekstan mámleketlik mákemeleri hám jámietlik xızmet xızmet xızmetkerleri kásiplik awqamı Qaraqalpaqstan Keńesi hám Qaraqalpaqstan Respublikası Ishki isler ministrligi tárepinen estelik sawǵaları tapsırıldı.

Ilaj juwmaǵında 25-oktyabr – Ishki isler uyımları xızmetkerleri kúni» hám «Kásiplik awqamlarınıń 120 jıllıǵı» bayramları múnásibeti menen kásiplik awqam jumısında belsene qatnasıp atırǵan Qaraqalpaqstan Respublikası Ishki isler ministrliginiń 10 xızmetkerine Ózbekstan mámleketlik mákemeleri hám jámietlik xızmet xızmet xızmetkerleri kásiplik awqamı Qaraqalpaqstan Keńesi baslıǵı D.Qutlımuratova tárepinen Húrmet jarlıǵı hám estelik sawǵaları tapsırıldı.