Ózbekstan Respublikasında sońǵı bes jılda imkaniyatı sheklengen shaxslar, sonday-aq, kózi ázzi puqaradardı mánzilli sociallıq qorǵaw, olarǵa sociallıq járdem kórsetiw hámde Ózbekstan Respublikası Ministrler Kabinetiniń 2022-jıl 5-apreldegi 65-sanlı bayanlamasınıń qararı menen «Ózbekstan kózi ázziler jámiyeti shólkemlestirilginiń 90 jıllıǵın ótkeriw hám kózi ázzi puqaralardı qollap-quwatlaw boyınsha is-ilajlar jobası»na muwapıq Qaraqalpaqstan Respublikasında bul sáneni múnásip belgilew, kózi ázziler jámiyeti, oǵan qaraslı kárxana hám shólkemlerde miynet etip atırǵan shaxslardı qollap-quwatlaw maqsetinde 2022-jıl 24-iyun kúni Qaraqalpaqstan mámleketlik jas tamashagóyler teatrında Ózbekstan kózi ázziler jámiyetiniń 90 jıllıǵı hám Ózbekstan kózi ázziler jámiyeti Qaraqalpaqstan bóliminiń 85 jıllıǵına baǵıshlanǵan mádeniy keshe bolıp ótti.

Mádeniy keshede Ózbekstan kásiplik awqamları Federaciyasınıń Qaraqalpaqstan Keńesi baslıǵı, Senator U.Jalmenov qatnasıp Ózbekstan kózi ázziler jámiyetiniń 90 jıllıǵı hám Ózbekstan kózi ázziler jámiyeti Qaraqalpaqstan bóliminiń 85 jıllıǵı menen Ózbekstan kásiplik awqamları Federaciyasınıń baslıǵınıń atınan hámde Qaraqalpaqstan Keńesi jámááti atınan bársheni shın júrekten qutlıqladı.

Sonıń menen birge, Ózbekstan kózi ázziler jámiyeti Qaraqalpaqstan bóliminiń 85 jıllıǵı múnásibeti menen tarawda uzaq jıllardan berli jemisli miynet etip kiyatırǵan pidayı xızmetkerler Ózbekstan kásiplik awqamları Federaciyasınıń Qaraqalpaqstan Keńesiniń «Húrmet Jarlıǵı» hám pul sıylıǵı menen xoshametlendi.