Ózbekstan Respublikası Prezidenti hám Húkimetimiz qararları tiykarında, Balalardıń dem alıwın hám sawllandırıwın shólkemlestiriw departamentine qaraslı Moynaq rayonındaǵı “Aq keme” balalar sawallardırıw orayı oqıwshılardıń qısqı dem alıs waqtında óz esiklerin ashıp, ózine 158 balalardı qamtıp aldı. Bunda Ózbekstan kásiplik awqamları Federaciyası Qaraqalpaqstan Keńesi qollap-quwatlanıwında Keńestiń túrli taraw, komitet, birlespelerinen kásiplik awqamları aǵzalarınıń perzentleri jiberilgen bolsa, bunnan tısqarı kommerciyalıq jollamalar realizaciya qılınıp, qálewshi puqaralardıń perzentleri jiberliwi támiyinlendi.

Balalar zamanagóy avtobuslarda shıpaker, miyrbiyke hám juwapker gúzetshiler gúzetiwinde qáwipsiz túrde dem alıw orayına jetkizildi. «Aq keme» dem alıw orayı jámááti olardı bayramǵa say tárizde kútip alıp, bólmelerge jaylastırdı.

Dem alıw orayında balalar ushın 7 kún dawamında túrli qızıqlı mádeniy aǵartıw ilájları, intellektual oyınlar hám sport ilájları ótkeriledi. Bul ilájler balalardıń xár tárepleme rawajlanıwına járdem beredi.

«Aq keme» balalar sawallandırıw orayına Qaraqalpaqstannıń derli bárshe rayonlarınan balalar qamtılǵan.