Bolalarning dam olishini va sog’lomlashtirilishini tashkil etish departamentining Qoraqalpog’iston boshqarmasi tashabbusi va O‘zbekiston kasaba uyushmalari Federatsiyasi Qoraqalpog’iston Kengashi qo‘llab-quvvatlovida 158 nafar bolajonlar uchun qishqi oromgoh tashkil etildi.

Bolalar zamonaviy avtobuslarda shifokor, hamshira va mas’ul kuzatuvchilar hamrohligida xavfsiz ravishda oromgohga etkazildi. «Oq kema» oromgohi jamoasi ularni bayramona tarzda kutib olib, xonalarga joylashtirdi va bayram tushligi tashkil etdi.

Oromgohda bolalar uchun 7 kun davomida tanlovlar, treninglar, o‘yinlar va ma’naviy tadbirlar o‘tkaziladi. Bu tadbirlar bolalarning xar tomonlama rivojlanishiga yordam beradi.