Болаларнинг дам олишини ва соғломлаштирилишини ташкил этиш департаментининг Қорақалпоғистон бошқармаси ташаббуси ва Ўзбекистон касаба уюшмалари Федерацияси Қорақалпоғистон Кенгаши қўллаб-қувватловида 158 нафар болажонлар учун қишқи оромгоҳ ташкил этилди.

Болалар замонавий автобусларда шифокор, ҳамшира ва масъул кузатувчилар ҳамроҳлигида хавфсиз равишда оромгоҳга етказилди. «Оқ кема» оромгоҳи жамоаси уларни байрамона тарзда кутиб олиб, хоналарга жойлаштирди ва байрам тушлиги ташкил этди.

Оромгоҳда болалар учун 7 кун давомида танловлар, тренинглар, ўйинлар ва маънавий тадбирлар ўтказилади. Бу тадбирлар болаларнинг хар томонлама ривожланишига ёрдам беради.