Piyshembi — Jaslar kúni múnásibeti menen jas tárbiyashılar arasında tańlaw ótkerildi. Tańlaw Nókis qalası 30-sanlı mektepke shekemgi bilimlendiriw shólkeminde Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi tárepinen shólkemlestirildi.

Bul tańlawdın tiykarǵı maqseti — jas pedagoglardıń kásiplik qábiletin asırıw, olardıń dóretiwshilik hám innovacion jandasıwların qollap-quwatlaw, sonday-aq, tálim-tárbiya barısında zamanagóy usullardı keń engiziwden ibarat.

Tańlaw dawamında qatnasıushılar óz bilim hám kónlikpelerin júzege shıǵarıp, balalar menen islewdegi zamanagóy metodikalar, tárbiyalıq shınıǵıwlar hám interaktiv usıllar boyınsha óz ónerlerin kórsetti. Tóreshiler quramı tárepinen qatnasıwshılardıń dóretiwshilik, pedagogikalıq sheberlik hám jańasha jantasıwları joqarı bahalandı.