1-dekbar Qaraqalpaq tiline mámleketlik tili berilgeni kúni. Usı sáne múnásibeti menen «Nókis xalıq aralıq aeroportı» JShJde bayram ilajı ótkerildi.

Ilajaǵa Berdaq atındaǵı Qaraqalpaq mámleketlik universiteti professorı hám docent oqıtıwshıları kelip Qaraqalpaq tiliniń tarıyxı, rawajlanıw basqıshları, izleniw jumısları hám basqa áhmiyetli táreplerin aytıp ótti, bársheni bayram menen qutlıqladı.

Sonday aq Ajiniyaz atındaǵı Nókis mámleketlik pedagogikalıq institutınıń teatr jámááti óziniń bayram koncerti baǵdarlaması menen qatnastı. Ilaj sońında miynmanlar ushın aeroport boylap sayaxat shólkemlestirildi hám olarǵa estelik sawǵaları, maqtaw jarlıqları tapsrırıldı.