«1-iyun – Xalıqaralıq balalardı qorǵaw kúni» bayramı múnásibeti menen «Mehir hám itibar – hár bir bala ushın» súreni astında Xojeli rayonındaǵı 17-sanlı kóp tarmaqlı qánigelestirilgen mektepke shekemgi bilimlendiriw shólkemi hám Nókis qalasındaǵı 26-sanlı qánigelestirilgen mámleketlik mektepke shekemgi bilimlendiriw shólkeminde sáne múnásibeti menen bayram ilajı bolıp ótti.

Tadbirde Ózbekstan mámleketlik mákemeleri hám jámietlik xızmet xızmet xızmetkerleri kásiplik awqamı Respublikalıq Keńesi baslıǵınıń hayal-qızlar máseleleri boyınsha máslahatshisi járdemshisi Gafurova Gulchexra Gulomjonovna hám Qaraqalpaqstan Keńesiniń baslıǵı Qutlımuratova Dilyafuz Sultamuratovnalar qatnasıp, bilimlendiriw shólkemlerinde tárbiyalanıp atırǵan balalardı bayram múnásibeti menen qutlıqladı.

Ilaj qatnasıwshıları perzentlerimizdiń hár tárepleme bilimli, elimiz rawajlanıwına óz uleslerine qosatuǵın perzentler bolıp jetisiwlerin tilep olarǵa awmetler tiledi.

Bayram munasebeti menen Qaraqalpaqstan Keńesi tárepinen tayarlanǵan sawǵalar bayram qatnasıwshılarına tapsırıldı.