Búgin dúnyada ekologiyalıq máseleler háwij alıp insaniyat turmısına, salamatlıǵına úlken zálel jetkizip atır. Dúnya mámleketleri ekologiyalıq mashqalalardi saplastırıw boyınsha qatar háreketlerdi ámelge asırıp atır. Atap aytqanda, elimizdede de mámleketimiz basshısı baslaması menen ekologiya salasındaǵı qatar mashqalalardıń aldın alıw, olardıń unamsız aqıbetlerin jeńillestiriwge qaratılǵan ámeliy jumıslar alıp barılmaqta.

Prezidentimiz tárepinen 2025-jıldı Ózbekstanda “Qorshaǵan -ortalıqtı asıraw hám “jasıl” ekonomika jılı” dep atalıwıda de biykarǵa emes.

2025-jıl 3-may kúni Ózbekstan kásiplik awqamları Federaciyasiniń Qaraqalpaqstan keńesi tárepinen Ekoturizm akciyası shólkemlestirildi.

Akciyanı shólkemlestiriwden maqset jaslar arasında qorshaǵan-ortalıqtı asıraw hám ekologiyalıq mádeniyattı rawajlandırıwdan ibarat.

Iláj sheńberinde 50 nuraniy hám jaslardan ibarat topar qatnasıwında Shılpıq qorǵanı hám Baday toǵay qorıqxanasına sayaxat etildi.

Qatnasıwshılar sayaxat qılıw menen sheklenip qalmastan sapar etilgen orınlar átirapların hártúrli taslandıqlardan tazalaw jumısları menen de shuǵıllandı.

Ekoturizmning maqseti de házirgi hám keleshek áwladlardıń ekologiyalıq qáwipsizligi hám turaqlı rawajlanıwdı támiyinlew ushın tábiyattan turistik jónelislerde aqılǵa say paydalanıw, onı qayta tiklew hám qorǵawdan ibarat.

Tábiyattı asıraw – keleshekti asıraw, sonday eken. Álbette, kásiplik awqamı tárepinen shólkemlestirilgen Ekoturzim akciyasında da áyne tárepler óz sawleleniwin tapqan.