«Ózsanaatqurılısbank» Qaraqalpaqstan aymaqlıq filialında 2020-2025 jıllar ushın imzalanǵan jámáátlik shártnamasınıń 2024-jılda orınlanıwı hámde baslanǵısh kásiplik awqamı shólkeminiń esabat-saylaw májilisi ótkerildi.

Májiliste Ózbekstan kásiplik awqamları Federaciyasınıń Qaraqalpaqstan Keńesi baslıǵınıń jaslar máseleleri boyınsha másláhátshisi N.Aliev, Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi baslıǵı R.Madreimov hám shólkemlestiriw jumısları bólimi mengeriwshisi M.Atamuratovalar qatnastı.

Ilájde 2023-2025 jıllar ushın imzalanǵan Jámáátlik shártnamasınıń 2024-jılda orınlanıwı boyınsha Jumıs beriwshi hámde kásiplik awqamı qomiteti tárepinen ámelge asırılǵan jumıslar boyınsha esabatları tıńlandı. Ámelge asırılǵan isler kólemi jıynalıs qatnasıwshıları tárepinen qanaatlandırarlı dep bahalandı.

Dodalaw barısında “Jámáátlik shártnaması – turaqlı miynet girewi” atamasında jámáátlik shártnamasınıń miynet múnásibetlerindegi ornı haqqında bank xızmetkerlerine keńirek túsinik berildi.

Sonday-aq, Kásiplik awqamınıń 2020-2025 jıl dawamındaǵı iskerligine baǵıshlanǵan Esabat-saylaw jıynalısında shólkemniń 5 jıllıq esabatı tıńlanıp, qatnasıwshılar tárepinen qanaatlandırarlı dep bahalandı. Kún tártibinde belgilengen barlıq máseleler kórip shıǵılıp, tiyisli qararlar qabıl etildi.