2025-jıl, 12-fevral kúni Ózbekstan kásiplik awqamları Federaciyası Qaraqalpaqstan Keńesi májilisler zalında Ózbekstan kásiplik awqamları Federaciyası Qaraqalpaqstan Keńesi apparatınıń xızmetkerleri qatnasıwında, Ózbekstan kásiplik awqamları Federaciyası Qaraqalpaqstan Keńesi jumıs beriwshi hám kásiplik awqamı arasında 2023-2025 jıllar ushın qabıl etilgen jámáátlik shártnamanıń 2024-jılda orınlanıwı hám esabat-saylaw jıynalısı bolıp ótti.

Jıynalısta 2024-jılda jámáátlik shártnamanıń orınlanıwı boyınsha Ózbekstan kásiplik awqamları Federaciyası Qaraqalpaqstan Keńesi baslıǵı w.w.a. M.Daniyarov hám kásiplik awqam komiteti baslıǵı B.Utepbergenovtıń esabatları tıńlandı hámde jámáátlik shártnamanıń orınlanıwın qadaǵalawshı komissiyasınıń dálalatnaması menen tanıstırıldı.  Kún tártibindegi másele jıynalıs qatnasıwshıları tárepinen dodalanıp jıynalıs qararı menen jámáátlik shártnamanıń 2024-jılda orınlanıwı qanaatlandırarlı dep tabıldı hám jıynalıs jabıq dep járiyalandı.

Sońınan, Ózbekstan kásiplik awqamları Federaciyası Ustavı hám Qaraqalpaqstan Keńesiniń Rejesine tiykar kásiplik awqam organı 5 jıl múddetge saylanıwı belgilep qoyılǵanlıǵı hám bul múddet kásiplik awqam organında 2025 jıl fevral ayında tamamlanıwına baylanıslı Keńes kásiplik awqam shólkeminiń esabat-saylaw jıynalısı ashıq dep járiyalandı.

Ózbekstan máleketlik mekemeler hám jámiyetlik xızmet kórsetiw xızmetkerleri kásiplik awqamı Qaraqalpaqstan Keńesi esabat-saylaw konferenciyasına delegat saylaw haqqındaǵı máseleler kórip shıǵılıp tiyisli qararlar qabıl etildi.

Atap aytqanda, Ózbekstan kásiplik awqamları Federaciyası Qaraqalpaqstan Keńesi baslanǵısh kásiplik awqam komitetiniń 2020-jıl fevraldan 2025-jıl fevralǵa shekem bolǵan dáwirdegi jumıslarınıń juwmaqları hám xızmetkerlerdiń sociallıq-ekonomikalıq huquq hám máplerin qorǵawdaǵı aldaǵı  wazıypalar haqqında komitet baslıǵı Bekpolat Utepbergenov, Tekseriw komissiyası aǵzası Óteniyazov Kamiljannıń esabatı tıńlanıp jıynalıs qatnasıwshıları tárepinen sın kóz qarastan dodalanıp, jarıs sózge shıǵıwshılardıń pikir hám usınısları tiykarında  2020-jıl fevral hám 2025-jıl fevral ayları aralıǵında Keńes kásiplik awqam komitetiniń jumıslarına “qanaatlandırarlı” baha berildi hám tekseriw komissiyasınıń esabatı tastıyıqlandı.

Saylawlarǵa kelgende, saylawlardı Ózbekstan kásiplik awqamları Federaciyası Bas Keńes májilisiniń 2024-jıl, 21-dekabrdegi IX-3 sanlı «Ózbekstan kásiplik awkamları Federaciyası quramındaǵı kásiplik awqamları shólkemlerinde esabat-saylawlardı ótkeriw haqqında»ǵı qararı menen tastıyıqlanǵan «Ózbekstan kásiplik awkamları Federaciyası quramındaǵı kásiplik awqamları organlarında esabat-saylawlardı ótkeriw haqqındaǵı Reje” talapları tiykarında komitet baslıǵı alternativ tiykarda, jasırın dawıs beriw jolı menen qalǵan máseleler ashıq dawıs beriw jolı menen ótkeriw maqullandı.

Jasırın dawıs beriw jolı menen Keńes miynet texnik inspektorı Utepbergenov Bekpolat Allanazarovich 5 jıl múddetke Ózbekstan kásiplik awqamları Federaciyası Qaraqalpaqstan Keńesi kásiplik awqamı komiteti baslıǵı etip saylandı.

Sońınan ashıq dawıs beriw jolı menen komitet aǵzaları, Tekseriw komissiyası quramı, baslıǵı hám Ózbekstan mámleketlik mekemeler hám jámiyetlik xızmet kórsetiw xızmetkerleri kásiplik awqamı Qaraqalpaqstan Keńesi esabat-saylaw konferenciyasına delegat saylandı.

Kún tártibindegi máseleler tolıǵı menen kórip shıǵıldı. Jıynalıs basqarıwshı jıynalıstıń ótiwi boyınsha jıynalıs qatnasıwshılarınan pikir usınısların soradı. Pikir usınıslar bolmadı. Jıynalıs jabıq dep járiyalandı.