Qaraqalpaqstan Respublikası Qurılıs hám turaq-jay kommunal xojalıǵı ministrligi hám “Qarakalpaq Cement” JShJ shólkeminde 11-noyabr – «Ózbekstan kásiplik awqamları kúni» múnásibeti menen xızmetkerler qatnasıwında sáwbet tárizinde ilaj ótkerildi.

Ilajǵa Transport, jol hám kapital qurılıs, qurılıs industriyası xızmetkerleri kásiplik awqamı Respublika keńesiniń miynet qáwipsizligi boyınsha bas qánigesi Dildora Xodjaeva hám Transport, jol hám kapital qurılıs, qurılıs industriyası xızmetkerleri kásiplik awqamı Respublika keńesiniń Qaraqalpaqstan Respublikası Keńesi baslıǵı Gulmira Palwaniyazova qatnasta 11-noyabr «Ózbekstan kásiplik awqamlari» kúni retinde rásmiy belgileniwi haqqında sóylep, bayram menen barlıq xızmetkerlerdi qızǵın qutlıqladi.

Sonıń menen birge, házirgi kúnde el basshımız tárepinen mámleketimizde jaratıp berilip atırǵan sharayatlarǵa toqtalıp ótti. Ilaj dawamında kásiplik awqamları iskerligi hám de óndiriske tiyisli ámelge asırılıp atırǵan reformalar boyınsha da sóz júritildi.