Ózbekstan bilimlendiriw hám ilim xızmetkerleri kásiplik awqamı Respublikalıq keńesi tárepinen Qaraqlapaqstan Respublikası Nókis qalasında 11-noyabr “Ózbekstan kásiplik awqamları kúni” bayramı múnásebeti menen ushrasıw ótkerildi.

Ilajda Qaraqlapaqstan Respublikasınıń barlıq rayon hám qalalarınń mektepke shekemgi hám mektep bilimlendiriwi, joqarı oqıw orınlarınan pedagog-oqıtıwshılar hám tárbiyashılar hámde rayonlıq kásiplik awqamı bólimshesi keńesleri baslıqları belsendiler uzaq jıllar tarawda islep kiyatırǵan ustazlar, bilimlendiriw pidayıları hám juwapkerler qatnastı. Ilajda Respublika keńesi baslıǵı R.Bedilov sózge shıǵıp, hámmeni bayram menen qutlıqlap búgingi kúnde mámleketimizde bilimlendiriw tarawında bolıp atırǵan ózgerisler, oǵan qaratılǵan itibar, sonday-aq kásiplik awqamları tárepinen ámelge asırılıp atırǵan jumıslar tuwrısında qısqasha maǵlıwmatlar berildi. Óz náwbetinde ilaj qatnasıwshıları ózleriniń qızıqtırǵan sorawların berip, usınıs hám pikirlerin bildirip ótti.

Ilaj juwmaǵında Respublika keńesi baslıǵı R.Bedilov hám Respublika keńesiniń juwapker xızmetkerleri bilimlendiriw tarawında joqarı nátiyjelerge erisken hám kásiplik awqamları tarawında pidayı islep kiyatırǵan bir topar rayon, qala kásiplik awqamları keńesilari hám baslanǵısh kásiplik awqamı shólkemlerine Mektepke shekemgi hám mektep bilimlendiriw ministirliginiń “Xalıq bilimlendiriw aǵlası” kókirek nıshanı tapsırıldı. Usı menen birge baslanǵısh kásiplik awqamı komiteti baslıqlarına hámde uzaq jılar tarawda islep kiyatırǵan ustazlardan 20 xızmetkerge Respublika keńesiniń qımbatbahalı sawǵaları menen sıylıqlandı.