Búgin Ózbekstan kásiplik awqamları Federaciyasınıń Qaraqalpaqstan Keńesinde Máripat saatı ótkerildi.

Onda Respublikalıq Ruwxıylıq hám aǵartıwshılıq orayı Qaraqalpaqstan bólimi wákilleri, Qaraqalpaqstan Keńesi apparat xızmetkerleri hámde kásiplik awqam belsendileri qatnastı.

Ilajda Ózbekstan kásiplik awqamları Federaciyasınıń Qaraqalpaqstan Keńesi baslıǵı U.Jalmenov, Berdaq atındaǵı Qaraqalpaq mámleketlik universiteti “Insan huqıqları, mámleketlik huqıqı hám basqarıw” kafedrası docenti Yuridikalıq pánler kondidatı X.Kabulovlar sózge shıǵıp Ózbekstannan jetisip shıqqan alımlar, ataqlı oyshıllar hám áziz-áwlelerdiń qaldırǵan biybaxa miyrasın úyreniw barısında ámelge asırılıp atırǵan jumıslar haqqında aytıp ótildi.

Sonıń menen birge, Jańa Ózbekstanda babalarımızdıń bay ilimiy-ruwxıy miyrasların úyreniw hám keń úgit-násiyatlaw boyınsha keń kólemli jumıslar ámelge asırılıp atırǵanı, elimizden jetisip shıqqan ullı alımlardıń órnek bolatuǵın turmıs jolları hám bay ilimiy-ruwxıy miyrasların hár tárepleme tereń úyreniw, keń jámiyetshilikke jetkiziw ilajlarınıń baslı maqsetlerinen biri ekenligi aytıp ótildi.