Ózbekstan Respublikası Prezidentiniń 2021-jıl 23-avgust kúngi PQ-5227-sanlı qararına muwapıq, 2022-2023 oqıw jılında óz iskerligin baslaǵan Ózbekstan kásiplik awqamları Federaciyasınıń Miynet hám sociallıq qatnasıqlar akademiyası Oraylıq Aziyada birden-bir bolǵan miynet hám sociallıq qatnasıqlar tarawında joqarı maǵlıwmatlı kadrlardı tayarlap beriw  maqsetinde óz iskerligin baslaǵan.

Házirgi kúnde, miynet múnásibetleri jónelisinde tájriybeli kadrlarni tayarlaw tek ǵana Ózbekstanda emes, bálki, rawajlanǵan mámleketlerde hám ayrıqsha strategiyalıq wazıypalardan biri esaplanadı.

Kásiplik awqam organlarınıń Akademiyada 2024-2025 oqıw jılı ushın qabıllaw baslanǵanın keń jámáátshilikke úgit-násiyatlaw hám joqarı mamanlıqqa iye kadrlarǵa mútájligi bolǵan, xızmetkerlerdi oqıtıwdı rejelestirgen shólkemler menen islesiw belgilengenligi sebepli, usı jıldıń 17-may kúni Qaraqalpaqstan Respublikasına Akademiya Xızmetkerler bólimi baslıǵı Bozorboev Xusan Turabekovich hám Akademiya Jaslar máseleleri hám ruwxıy-aǵartıwshılıq isleri boyınsha bólim baslıǵı Xoliqov Toshpulat Suyunovichlar kelip joqarı oqıw orınları, orta arnawlı bilimlendiriw mekemeleri hám olardıń basqarma wákilleri, xalıq bilimlendiriw wákilleri, abiturentler, kásiplik awqam belsendileri hám iri kárxana shólkem wákilleri menen ushırasıw ótkerdi.

Ushırasıwda Akademiyada búgingi kúnde ámelge asırılıp atırǵan jumıslar hám 2024-2025 oqıw jılları ushın kúndizgi hám sırtqı tálimniń bakalavr jónelisine abiturientlerdiń Akademiyaǵa hújjet tapsırıwı menen baylanıslı bolǵan máseleler boyınsha ushırasıw qatnasıwshılarına keńnen túsinikler berdi. Sonıń menen birge ushırasıw qatnasıwshıları ózlerin qızıqtırǵan barlıq sawallarına juwaplar aldı.