Ózbekstan densawlıqtı saqlaw xızmetkerleri kásiplik awqamı Respublikalıq Keńesi tárepinen 9-may – “Eslew hám qádirlew” kúni múnásibeti menen keyingi jıllarda hár jılı jumıs ornı hám lawazımınıń qanday bolıwına qaramastan tarawda nátiyjeli jumıs islep húrmetke iye bolǵan xızmetkerler ushın Yadnama; Tarawda uzaq jıllar jumıs islep házirde pensiyada bolǵan veteranlar ushın Qádirnama; Taraw kásiplik awqamlarında uzaq jıllar islegen kásiplik awqamı belsendileri ushın Qádirnama tayarlanıp beriliw dástúrge aylanǵan.

Sol múnásibet penen 2024-jıldıń 03-may kúni Ózbekstan kásiplik awqamları Federaciyasınıń Qaraqalpaqstan keńesiniń májilisler zalında Ózbekstan kásiplik awqamları Federaciyası baslıǵınıń orınbasarı, Qaraqalpaqstan keńesi baslıǵı, Senator U.Jalmenov hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi baslıǵı L.Baybosınova menen birgelikte Taraw kásiplik awqamlarında islep ketken bir qatar kásiplik awqam belsendilerine Qádirnamalar tapsırıldı.