Mámleketimizde jaratılǵan kúshli sociallıq qorǵaw nátiyjeleri tiyqarında Ózbekstan kásiplik awqamları tárepinen xalıqtıń járdemge mútáj qatlamların, imkaniyatı sheklengen shaxslardı, ásirese, basqalardıń qarawına mútáj jalǵız baslı kekselerdi mánzilli sociallıq qorǵawın kúsheytiw maqsetinde anıq ilajlar ámelge asırılmaqta.

11-noyabr – Ózbekstan kásiplik awqamları kúni múnásibeti menen Ózbekstan kásiplik awqamları Federaciyasınıń Qaraqalpaqstan Keńesi tárepinen 2023-jıl 2-10-noyabr kúnleri aralıǵında «Jańa turmıs ushın, Jańa Ózbekstan ushın!» ideyasın ózinde jámlegen qayır-saqawat ilajları ótkerilmekte.

Usı jıldıń 10-noyabr kúni Ózbekstan kásiplik awqamları Federaciyasınıń Qaraqalpaqstan keńesi baslıǵınıń Jaslar máseleleri boyınsha másláhátshisi N.Aliev, Shólkemlestiriw bólimi mengeriwshisi G.Ilmuradova hámde belsendeleri Nókis qalasında jaylasqan hayallar ushın hám Shımbay rayonında jaylasqan erler ushın “Miriwbet úyi”ndegi jasawshılarınan xabar aldı.

Ilajda usı úyde jasawshılardıń hal-jaǵdayları sonday-aq, jasawshı ónermentlerdiń buyımları menen tanısıp sáwbetlesti hámde Ózbekstan kásiplik awqamları Federaciyasınıń Qaraqalpaqstan keńesi tárepinen tayarlanǵan sawǵalar berildi.

Usınday ilajlar Ózbekstan kásiplik awqamları Federaciyasınıń buwındaǵı barlıq shólkemler tárepinen Ózbekstan Respublikasınıń bárshe walayatlarında ótkerilmekte.