2022-jıldıń 11-noyabr kúni Nókis qalasında Respublikalıq balalar ftiziatriya sanatoriyasınıń májilisler zalında Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesiniń birgelikte “Medicina xızmetkerleri kúni” bayramına baǵıshlanǵan saltanatlı keshesi bolıp ótti.

Salatanatlı kesheni Qaraqalpaqstan Respublikası densawlıqtı saqlaw ministri Kurbanov Murad Ismailovich ashtı hám alıp bardı.

Bunnan soń Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi baslıǵı Baybosınova Lizaxan Allambergenovna sózge shıǵıp, bárshe medicina xızmetkerlerin kásiplik bayramı menen qutlıqladı.

Medicina tarawında jemisli miynet etip atırǵan bir qatar xızmetkerlerge bayram múnásibeti menen Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan “Hurmet jarlıq”ları hám bahalı sawǵaları Qaraqalpaqstan Respublikası densawlıqtı saqlaw ministrligi  menen birgelikte tapsırıldı.

Sonıń menen qatar densawlıqtı saqlaw tarawındaǵı jemisli miyneti hám “Ózbekstan kásiplik awqamları kúni” bayramı munásibeti menen 3 xızmetkerge Ózbekstan kásiplik awqamları Federaciyasınıń Kurortlar basqarmasına qaraslı “YANGIYER”, “Medicina xızmetkerleri kúni” bayramı múnásibeti menen bolsa 3 xızmetkerge “Umid Gulshani” sanatoriyasına biypul jollamalar berildi.

Bayram ilajında Ózbekstan vrachlar Assosaciyasınıń Qaraqalpaqstan bólimi tárepinen taraw nuranıylarına hám Ózbekstan Hamshiralar Assoaciyasınıń Qaraqalpaqstan bólimi tárepinen orta buwındaǵı medicina xızmetkerlerine bayram sawǵaları tapsırıldı.