Usı jıldıń 8-may kúni Ózbekstan kásiplik awqamları Federaciyasınıń Qaraqalpaqstan Keńesi májlisler zalında Ózbekstan kásiplik awqamları Federaciyası, Ózbekstan Ádillik ministrligi hám Ózbekstan kambaǵallıqtı qısqartıw hám bántlik ministri janındaǵı shańaraq hám hayal-qızlar komitetiniń Ózbekstan Respublikasınıń «Hayal-qızlar hám erkeklerdiń teń huqıqları hámde imkaniyatları kepillikleri haqqında»ǵı Ózbekstan Respublikasınıń Nızamına qosımsha hám ózgerisler kiritiw haqqında 2022-jıl 15-dekabrdegi 809-sanlı Nızamın ámelge asırıw boyınsha Qaraqalpaqstan Respublikası kóleminde úgit-násiyat ilajı ótkerildi.

Ilájǵa Ózbekstan kásiplik awqamları Federaciyasınıń Qaraqalpaqstan Keńesiniń, Qaraqalpaqstan Respublikası Ádillik ministrligi, Shańaraq hám xayal-qızlar komiteti juwaplı xızmetkerler hámde rayon (qala)lardaǵı APJ, MPJlardıń xayal-qızlar belsendileri qatnastı.

Ilajdı Senator, Ózbekstan kásiplik awqamları Federaciyasınıń Qaraqalpaqstan Keńesiniń baslıǵı U.Jalmenov ashıp berdi hám alıp bardı.

Qaraqalpaqstan Respublikası Ádillik ministrligi bólim baslıǵı Ótewliev Abılqasım Ótegenovich jıynalǵanlarǵa Ózbekstan Respublikasınıń «Hayal-qızlar hám erkeklerdiń teń huqıqları hámde imkaniyatları kepillikleri haqqında»ǵı Ózbekstan Respublikasınıń Nızamına qosımsha hám ózgerisler kiritiw haqqında 2022-jıl 15-dekabrdegi 809-sanlı Nızamınıń mazmunı, búgingi kúndegi áhmiyeti haqqında keń túsinik berip ótti.

Bunnan soń Ózbekstan kásiplik awqamları Federaciyasınıń Qaraqalpaqstan Keńesiniń miynet xuqıq inspektorı Tursınov Polat Muratbaevich tárepinen miynet shártnamaların biykar etiwde hayal-qızlarǵa berilgen jeńillikler, jumıs beriwshilerdiń minnetlemeleri haqqında túsinikler berildi.

Iláj sońında qatnasıwshılar ózleriniń qızıqtırǵan sorawlarına juwaplar aldı.