2024-jıl 29-mart kúni Prezident Shavkat Mirziyoev basshılıǵında “Jasıl mákan” joybarın ámelge asırıwǵa arnalǵan videoselektor jıynalısı bolıp ótti. Joybar sheńberinde usı jıldıń báhárinde 125 million túpge jaqın nál egiw jobalastırılǵan bolıp buǵan baylanıslı Balalardıń dem alıwın hám sawallandırıwın shólkemlestiriw departamenti janındaǵı Qaraqalpaqstanda iskerlik júrgizip atırǵan dem alıw oraylarında máwsim aldı tayarlıq jumısları hám báhárgi nál egiw, abadanlastırıw jumısları keń kólemde alıp barılmaqta. Bir ǵana «Jasıl mákan» ulıwma milliy joybarı sheńberinde jaqında ǵana ótkerilgen ilajlarında barlıq dem alıw oraylarr jańa nálsheler egilip, hámme tereklerge forma berildi. Atap aytqanda, “Aq keme” dem alıw orayında 470 dana, “Aral balaları” da 120, “Oq kabutar” da bolsa 151 den, “Aydın jol”da 150 dana, sonıń menen birge, “Turan” hám “Aral” dem alıw oraylarınıń hár birine 190 nan hám 60 tan zıyat miyúeli, dekarativ náller qadalıp, túrli jaǵımlı iys taratıwshı gúller egildi hám de aylana, salmalar tazalanıp, jańasha kóriniske kirdi. Usı baslamada dem alıw orayı xızmetkerleriniń miyneti ayrıqsha bolıp, abadanlastırıw jumısları birlikte ótkeni sebepli aymaq átirapı gózzallıqqa bólendi.

Abatlıq kóńilden baslanǵanı sıyaqlı “Aq keme” dem alıw oryındaǵı abadanlastırıw jumıslarınan keyingi kórinis tek ǵana kózdi quwantadı, kewlińde quwanısh oyatadı, -deydi óz sózinde járdemshilerden biri.

Sonıń menen birge, aymaqlıq departament tárepinen ámeldegi dem alıw oraylarında 2024 jıl jaz máwsimine tayarlıq jumısların úyreniw boyınsha isshi topar qáliplestirilgeni jumıs onimdarlıǵınıń jáne de asıwına xızmet etedi.