Ózbekstan Respublikası Prezidentiniń 2021-jıl 23-avgust kúngi PQ-5227-sanlı qararına muwapıq shólkemlestirilgen hám Oraylıq Aziyada birden-bir bolǵan Ózbekstan kásiplik awqamları Federaciyasınıń «Miynet hám sociallıq qatnasıqlar akademiyası» miynet hám sociallıq qatnasıqlar tarawında joqarı maǵlıwmatlı kadrlardı tayarlap beriw maqsetinde 2022-2023 oqıw jılında óz iskerligin baslawı belgilengen.

Akademiya jumısın shólkemlestiriw, onı basqarıw, hámde 2022-2023 jıllarda oqıwdı baslaw maqsetinde Ózbekstan kásiplik awqamları Federaciyasınıń 2022-jıl 6-aprelde Ózbekstan kásiplik awqamları Federaciyasınıń ««Miynet hám sociallıq qatnasıqlar akademiyası» jumısların shólkemlestiriw haqqında»ǵı 6-83 «s» sanlı qararı qabıl etildi.

Usı qarardıń 7-bánti menen, kásiplik awqam organlarınıń Akademiyada 2022-2023 oqıw jılı ushın qabıllaw baslanǵanın keń jámáátshilikke úgit-násiyatlaw hám joqarı mamanlıqqa iye kadrlarǵa mútájligi bolǵan, xızmetkerlerdi oqıtıwdı rejelestirgen shólkemler menen islesiw belgilengenligi sebepli, usı jıldıń 26-iyul kúni Qaraqalpaqstan Respublikasına Akademiya oqıw isler boyınsha 1-prorektorı Atamatov Abduxalil Salomovich hám Akademiya prorektorı Mirzajonov Azim Xakimjonovichler kelip joqarı oqıw orınları, orta arnawlı bilimlendiriw mekemeleri hám olardıń basqarma wákilleri, xalıq bilimlendiriw wákilleri, abiturentler, kásiplik awqam belsendileri hám iri kárxana shólkem wákilleri menen ushırasıw ótkerdi.

Ushırasıwda Akademiyada búgingi kúnde ámelge asırılıp atırǵan jumıslar hám 2022-2023 oqıw jılları ushın kúndizgi tálimniń bakalavr jónelisine abiturientlerdiń Akademiyaǵa hújjet tapsırıwı menen baylanıslı bolǵan máseleler boyınsha ushırasıw qatnasıwshılarına keńnen túsinikler berdi. Sonıń menen birge ushırasıw qatnasıwshıları ózlerin qızıqtırǵan barlıq sawallarına juwaplar aldı.