1-iyun xalıqaralıq balalardı qorǵaw kuni bayramı múnásebeti menen «Mehr hám itibar- hár bir bala ushın» súreni astında Nókis qalasındaǵı Imkan reabilitaciya orayına iye bolǵan kóp tarmaqlı qániygelestirilgen mektepke shekemgi bilimlendiriw shólkemi hám 26-sanlı kóp tarmaqlı qániygelestirilgen mektepke shekemgi bilimlendiriw shólkemlerinde sáne múnásibeti menen bayram ilajı bolıp ótti.

Onda Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi baslıǵı Qutlımuratova Dilyafuz Sultamuratovna qatnasıp, bul jerde tárbiyalanıp atırǵan balalardı bayram múnásibeti menen qutlıqladı.

Aytıp ótiw orınlı, búgingi kúnde elimizde húrmetli prezidentimizdiń basshılıǵında jaslardıń, balalardıń bilim alıwı, salamatlıǵınıń bekkem bolıwı, jetik insan bolıp kamalǵa keliwi ushın kóplegen iygilikli isler ámelge asırılmaqta. eń shetki aymaqlarda da zamanagóy balalar baqshaları, mektepler, mádeniyat hám sport obektleri paydalanıwǵa tapsırılıp atır.

Óz náwbetinde jaratılıp atırǵan bunday sharayatlar perzentlerimizdiń hár tárepleme bilimli, ozıq oylı bolıp kamalǵa keliwinde bekkem tiykar bolıp xızmet etpekte.

Qaraqalpaqstan Qeńesi baslıǵı tárepinen balalarǵa bayram múnásibeti menen sawǵalar tapsırıldı.