Aldın xabar berilgenindey kásiplik awqamları Federaciyası Atqarıw komiteti, Ózbekstan Respublikası Joqarı hám orta arnawlı bilimlendiriw ministrligi, Respublikalıq Ruwxıy-aǵartıwshılıq orayı hámde tiyisli shólkemler menen birgelikte 17-18 may kúnleri Berdaq atındaǵı Qaraqalpaq mámleketlik universitetinde «Jańa Ózbekstandı ózimiz, óz qollarımız benen quramız!» súreni astında ótkerilip atırǵan respublikalıq esseler tańlawınıń Qaraqalpaqstan Respublikası basqıshı bolıp ótti.

Tanlawda Qaraqalpaqstan Respublikasındaǵı 10 joqarı oqıw orınlarınan 3 oqıwshıdan, jámi 30 student jaslar qatnastı. Eki yarım saat dawamında qatnasıwshılar «Jańa Ózbekstan meniń kóz qarasımda» atamasında óz dóretiwshilik qábiletlerin jazba túrde sınawdan ótkerdi. Tóreshiler quramı tárepinen hár bir dóretiwshilik jumısları ádil bahalandı. Nátiyjelerge kóre Ájiniyaz atındaǵı Nókis mámleketlik pedagogikalıq institutı 2-kurs studenti Kalbaeva Gulchehra Polat qızı birinshi orındı qolǵa kiritti. Sonday-aq, ekinshi orın Muhammed al-Xorezmiy atındaǵı Tashkent informacialıq texnologiyaları universiteti Nókis filialı 2-kurs studenti Sherimmatova Aziza Muzaffar kızı, Berdaq atındaǵı Qaraqalpaq mámleketlik universiteti 1-kurs studenti Gapparova Gulyor Uluǵbekovna úshinshi orındı iyeledi.

Jeńimpazlar hám olardıń oqıtıwshıları Ózbekstan kásiplik awqamları Federaciyasınıń Qaraqalpaqstan Keńesi tárepinen zamanagóy smart telefonları hámde dárejeli diplomlar menen bilan sıylıqlandı. Qaraqalpaqstan Respublikası basqıshı jeńimpazları bolǵan 3 student 24-27 may kúnleri Tashkent qalasında bolıp ótetuǵın tańlawdıń respublikalıq bosqıshında qatnasadı.