25-aprel kúni Ózbekstan Respublikası Prezidentiniń sırtqı migraciyada júrgen puqaralardı qollap-quwatlaw, olardıń mashqalaların úyreniw hám sheshiw, sırtqı migraciyadan qaytqan puqarlardı jumıs penen támiyinlew boyınsha tapsırmalarınıń orınlanıwı maqsetinde Ózbekstan kásiplik awqamları Federaciyasınıń Qaraqalpaqstan Keńesinde seminar bolıp ótdi.

Seminar Senator, Ózbekstan kásiplik awqamları Federaciyası Keńesi baslıǵınıń orınbasarı, Qaraqalpaqstan Keńesi baslıǵı U.Jalmenov basshılıǵında, Ózbekstan kásiplik awqamları Federaciyasınan Qaraqalpaqstan Resblikasına biriktirilgen shólkem baslıqları hámde rayon (qala)larǵa biriktirilgen wákiller qatnasında ótkerildi.

Seminar dawamında, Informacion texnologiyaları hám ǵalaba komunikaciya xızmetkerleri kásiplik awqamı Respublika Keńesi baslıǵı A.Ishanxodjaev, Qaraqalpaqstan Respublikası Ministrler Keńesi baslıǵınıń qarjı-ekonomika hám qambaǵallıqtı qısqartırıw máseleleri boyınsha birinshi orınbasarı N.Erlepesov, Qaraqalpaqstan Respublikası Prokurorı orınbasarı Sh.Muxamatov, Mámleketlik mekemeler hám jámáát xızmeti xızmetkerleri kásiplik awqamı Respublika Keńesi baslıǵı orınbasarı A.Salixovlar Isshi topar aldında turǵan maqset-wazıypalar haqqında ayrıqsha toqtalıp ótti.

Seminar kún tártibinen, Qaraqalpaqstan Respublikası Isshi toparıQaraqalpaqstan Respublikası Prokurorınıń hám Qaraqalpaqstan Respublikası Ishki isler ministriniń orınbasarları menen birgelikte, Ózbekstan kásiplik awqamları Federaciyasınıń Qaraqalpaqstan Keńesinde hámde rayon (qala) hákimliklerinde shtablar iskerligin jolǵa qoyıw, sırtqı migraciyada júrgen puqaralar dizimlerin shólkemlestiriw, orınlarda “máhálle jetiligi” ushın maǵlıwmat penen islew, puqaralar menen sáwbetlesiw mádeniyatı, anketa-sorawnamalardı toltırıw tártibi, rayon (qala)lardaǵı bar bolǵan bos jumıs orınları hámde jańa investiciya joybarların iske túsiriw arqalı jaratılatuǵın jumıs orınları haqqında maǵlıwmatlardı qáliplestiriw hámde “máhálle jetiligi”ne usınıw, sırtqı migraciyada júrgen puqaralardıń úyme-úy júrip, xatlawdan ótkeriw hám mashqalalardı uyreniw, migraciyadan qaytıw qálewin bildirgen puqaralardı jumısqa jaylastırıw hám mashqalaların sheshiw boyınsha usınıslar islep shıǵıw wazıypası, shańaraq aǵzaları menen sáwbetlesiw hám sorawnamalardı durıs toltırıw boyınsha seminarlar shólkemlestiriwge kómeklesiw wazıypaları, puqaralardıń shet elge shıǵıw hám kiriwin monitoring qılıwshı arnawlı platformanı jetilistiriw hám mákemeler aralıq integraciyalaw ilájları orın aldı.

Seminar sońında, “Sırtqı migraciyada júrgen puqaralardı qollap-quwatlaw” boyınsha Respublika shtabınıń 1-keńeytirilgen májilisinde berilgen tapsırmalardıń orınlanıwı haqqında anıq kórsetpeler belgilep berildi hámde berilgen sorawlarǵa tiyisli qániygeler tárepinen juwaplar berildi.