Medicina mákemeleri xızmetkerleriniń fizikalıq belsendiligin asırıw, densawlıqların bekkemlew, olar arasında salamat turmıs tárizin úgit-násiyatlaw hám bul baǵdarda alıp barılıp atırǵan jumıslardıń nátiyjeliligin jáne de asırıw maqsetinde 2026-jıldıń 20-oktyabr kúni Nókis qalasında erler hám hayal-qılar arasında sporttıń kishi futbol, shashka, shaxmat, stol tennisi túrleri boyınsha “Ózbekstan Respublikası Densawlıqtı saqlaw ministri hám Ózbekstan densawlıqtı saqlaw xızmetkerleri kásiplik awqamı baslıǵı kubogi” sport jarısınıń Qaraqalpaqstan Respublikası basqıshı ótkerildi.

Kubok jarısı juwmaǵında sporttıń kishi futbol túri boyınsha erler arasında I orındı Ózbekstan vrachlar Associaciyası Qaraqalpaqstan bólimi, II orındı Shımbay rayonlıq densawlıqtı saqlaw bólimi, III orındı Nókis qalalıq medicina birlespesi, hayal-qızlar arasında I orındı Qaraózek rayonlıq medicina birlespesi, II orındı Shomanay hám III orındı Moynaq rayonlıq medicina birlespesi komandaları iyeledi.

Sonday-aq, sporttıń stol tennisi túri boyınsha hayal-qızlar arasında I orındı Taqıyatas rayonlıq medicina birlespesi miyirbiykesi S.Urazbaeva, II orındı Nókis qalalıq medicina birlespesi kadrlar bólimi qánigesi L.Alieva, III orındı Qanlıkól rayonlıq medicina birlespesi miyirbiykesi D.Kuatova, sporttıń stol tennisi boyınsha erler arasında I orındı Ámiwdárya rayonlıq medicina birlespesi esapshısı A.Yuldashev, II orındı Moynaq rayonlıq medicina birlespesi shıpakeri S.Eshanov, III orındı Respublikalıq tez medicinalıq járdem orayı Qaraqalpaqstan filialı esapshısı I.Ametov, sporttıń shaxmat túri boyınsha hayal-qızlar arasında I orındı Ámiwdárya rayonlıq medicina birlespesi miyirbiykesi M.Davletboeva, II orındı Kegeyli rayonlıq medicina birlespesi miyirbiykesi G.Kadirimbetova, III orındı Nókis qalalıq medicina birlespesi miyirbiykesi S.Kadiritmbetova, sporttıń shaxmat túri boyınsha erler arasında I orındı Respublikalıq tez medicinalıq járdem orayı Qaraqalpaqstan filialı shıpakeri J.Erimbetov, II orındı Ellikqala rayonlıq medicina birlespesi shıpakeri X.Durdiev, III orındı Nókis qalalıq medicina birlespesi laborantı P.Xodjaxmetov, sporttıń shashka túri boyınsha hayal-qızlar arasında I orındı Qanlıkól rayonlıq medicina birlespesi miyirbiykesi N.Uzaqbaeva, II orındı Taqıyatas rayonlıq medicina birlespesi miyirbiykesi K.Ametova, III orındı Moynaq rayonlıq medicina birlespesi miyirbiykesi I.Abullaeva, sporttıń shashka túri boyınsha erler arasında I orındı Xojeli rayonlıq medicina birlespesi shıpakeri Sh.Abduraxmanov, II orındı Qaraózek rayonlıq medicina birlespesi shıpakeri R.Jamuratov, III orındı Qanlıkól rayonlıq medicina birlespesi feldsheri R.Toreevlern iyeledi.

Jarıs juwmaǵında jeńimpazlar Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tiyisli dárejedegi diplom, medal hám de bahalı sawǵaları menen sıylıqlandı.

Kubok jarısınıń hár bir sport túri boyınsha jeńimpazları Tashkent qalasında ótkeriletuǵın final basqıshında qatnasıw jollamasın qolǵa kiritti.