Usı jıldıń 18-19-mart kúnleri “Jańa Ózbekstan – jańa kásiplik awqamları” uranı astında Qaraqalpaqstan Agrosanaat kompleksi xızmetkerleri kásiplik awqamına qaraslı baslanǵısh kásiplik awqam shólkemleri baslıqları ushın eki kúnlik oqıw seminarı shólkemlestirilip ótkerildi.

Seminar dawamında:

-kásiplik awqamları háreketin jetilistiriw

-xızmetkerlerdiń miynet huquqları hám social máplerin qorǵaw

-tarmaqtaǵı reformalar mazmunı

boyınsha tiykarǵı hám ámeliy maǵlıwmatlar berilip ótildi.

Sonday-aq, qatnasıwshılar Qaraqalpaqstan awıl xojalıǵı hám agrotexnologiyalar institutı kásiplik awqam komitetinde bolıp institut kásiplik awqam komitetiniń is  tájriybeleri menen jaqınnan tanıstırıldı.

Seminar dawamında qatnasıwshılar óz-ara tájriybe almasıp, kásiplik awqamları tájriybelerin jánede jetiskenliklerin payda etiw boyınsha jańa bilim hám kónlikpelerine iye boldı.

Seminar dawamında qatnasıwshılarǵa Ózbekstan kásiplik awqamları Federaciyasınıń tájriybesin asırıw institutınıń sertifikatları hám seminarǵa úlgili qatnasqan baslanǵısh shólkemleri baslıqlarına Ózbekstan kásiplik awqamları Federaciyasınıń Qaraqalpaqstan Keńesiniń minnetdarshılıqları tapsırıldı.