2026-jıl 22-aprel kúni Ózbekstan mámleketlik mákemeleri hám jámietlik xızmet xızmet xızmetkerleri kásiplik awqamı Qaraqalpaqstan Keńesiniń Keńes hám Atqarıw komiteti májilisi bolıp ótti.

Májiliste Qaraqalpaqstan Keńesiniń 2026-jıl birinshi sheregi dawamında ámelge asırǵan jumısları dodalanıp, áhmiyetli wazıypalar belgilep alındı.

Sonday-aq, tarawdaǵı kárxana hám shólkemlerde 2025-jılı jámáát shártnamalarınıń orınlanıwı boyınsha usınılǵan esabatlardıń nátiyjeleri de kórip shıǵıldı.

Jámáátlik kelisimleriniń mazmunın jáne de bayıtıw hám olardıń orınlanıwın támiyinlew máselelerine de ayrıqsha itibar qaratıldı.

Sonıń menen birge, Atqarıw komiteti májilisleri aralıǵında qabıl etilgen qararlar tastıyıqlap alındı. Májilis juwmaǵında belgilengen wazıypalardı nátiyjeli ámelge asırıw boyınsha qararlar qabıl etilip, tiyisli tapsırmalar berildi.