2026-jıl 11-mart kúni Respublikalıq qánigelestirilgen ruwxıy salamatlıq ilimiy ámeliy medicina orayınıń psixiatriya xızmeti boyınsha Qaraqalpaqstan Respublikası filialında 2024-2026-jıllar ushın qabıl etilgen jámáátlik shártnamanıń 2025-jılda orınlanıw juwmaqlarına baǵıshlanǵan miynet jámáátiniń konferenciyası bolıp ótti.

Konferenciyada Ózbekstan densawlıqtı saqlaw xızmetkerleri kásiplik awqamı Respublikalıq Keńesiniń Bas miynet huqıq inspektorı O.Adilov, Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesi baslıǵı L.Baybosınova, Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası boyınsha miynet-huqıq inspektor D.Urazbaevlar qatnastı.

Konferenciyada jámáátlik shártnamanıń 2025-jılda orınlanıwı hám 2026-jıl ushın jámáátlik shártnamasına kiritiletuǵın qosımsha hám ózgerisler haqqındaǵı máseleler kórip shıgıldı.

Kún tártibindegi máseleler boyınsha jumıs beriwshi hám kásiplik awqam komiteti baslıǵınıń málimlemeleri, sociallıq-miynet máseleleri boyınsha komissiya akti tıńlandı.

Xızmetkerlerdiń sociallıq-ekonomikalıq, huqıqıy máplerin qorǵaw boyınsha alıp barılǵan jumıslardıń nátiyjesinde jámáátlik shártnamanıń orınlanıwı boyınsha orta esapta bir xızmetkerge jıl dawamında 17 mln. 739 mıńnan artıq qarjı jumsalǵanlıǵı atap ótildi.

Konferenciyada shıǵıp sóylegenler hám  qatnasıwshıları jámáátlik shártnamanıń 2025-jılǵı orınlanıwın qanaatlandırarlı dep bahaladı hám komissiya aktin tastıyıqladı.