Ózbekstan Respublikası Ǵárezsizliginiń 34 jıllıǵı hám 1-oktyabr “Muǵallimler hám ustazlar kúni” bayramı múnásibeti menen Nókis qalasındaǵı ulıwma orta bilim beriw mekteplerinde islewshi xızmetkerler arasında sporttıń Badminton túrinen sport jarısı usı jıldıń 20-sentyabr kún Nókis qalasındaǵı “Badminton” sport bazasında ótkizildi.

Qızǵın tartıs hám ózara kelisimsiz gúresler astında ótken jarıs xızmetkerlerdiń sportqa bolǵan qızıǵıwshılıǵın jánede arttırıp, olardıń jeniske bolǵan tilegin bekkemledi. Barlıq qatnasıwshılar jarısta jeńimpaz bolıw ushın juwapkershilik penen háreket etti.

Jarıs juwmaǵında jeńimpazlıqtı qolǵa kirgizgen háyal-qızlarǵa Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi tárepinen tayarlanǵan diplom hám estelik sawǵaları tapsırıldı.