Ózbekstan Mámleketlik kórkem óner hám mádeniyat institutı Nókis filialınıń májilisler zalında 2024-jıl dawamında Jámáátlik shártnama bántleriniń is beriwshi hám kásiplik awqam komiteti tárepinnen orınlanıw juwmaqları hámde 2020-jıldıń fevral ayınnan 2025-jıldıń fevral ayına shekemgi dáwirdegi kásiplik awqam komiteti tárepinnen islegen jumısları boyınsha esabat-saylaw jıynalısı ótkerildi.

Kún tártibinde Jámáátlik shártnamanıń 2024-jılı orınlanıwı,tekseriw komissiyasınıń esabatı haqqında, qásiplik awqamı komiteti aǵzaların saylaw, kásiplik awqam komiteti baslıǵın saylaw, tekseriw komissiyası aǵzaların saylaw, tekseriw komissiyası baslıǵın saylaw hámde joqarı kásiplik awqamı organı konferenciyasına delegat hám wákillerdi saylaw máseleleri kórip shıǵılıp, dodalandı.

Bunda Ózbekstan Mámleketlik kórkem óner hám mádeniyat institutı Nókis filialı direktorı Ayapov Amanjol Tlepovich, kásiplik awqamı komiteti baslıǵı Begjanov Berdaq Karimbaevich, Tekseriw komissiya baslıǵı Xojanov Jabbarbergen Embergenovichler esabat berdi.

Búgingi ulıwma jıynalısqa Ózbekstan kásiplik awqamları Federaciyasınıń miynet inspekciyasınıń fizikalıq hám yuridikalıq shaxslardıń murájáátları menen islesiw sektorı baslıǵı Rzaeva Guzalya Turǵunbaevna, Ózbekstan transport, jol hám kapital qurılıs, qurılıs industriyası xızmetkerleri kásiplik awqamı Respublikalıq Keńesi baslıǵınıń orınbasarı Sultanov Baxodir Fazilovich, Ózbekstan kásiplik awqamları Federaciyasınıń Qaraqalpaqstan Keńesiniń shólkemlestiriw bólimi meńgeriwshisi Ilmuradova Gulnara Reypnazarovna, Ózbekstan mádeniyat, sport hám turizm xızmetkerleri kásiplik awqamı Qaraqalpaqstan Respublikası birlesken komiteti baslıǵı Ayapov Jeńisbay Jarılkaganovich, Qaraqalpaqstan Respublikası Mádeniyat ministrliginiń bólim baslıǵı Avezmuratov Paraxat Bazarbaevich, Ózbekstan Mámleketlik kórkem óner hám mádeniyat institutı Nókis filialı direktorı Ayapov Amanjol Tlepovichlar qatnastı.

Jıynalısqa Ózbekstan Mámleketlik kórkem óner hám mádeniyat institutı Nókis filialı xızmetkerleri kásiplik awqamı shólkeminde 238 kásiplik awqam aǵzaları esapta turıp, sonnan 178 aǵzalar qatnasıp (75 %) 60 aǵza sebepli jaǵdaylarǵa baylanıslı qatnasa almay qaldı.

Kun tártibindegi másele boyınsha kásiplik awqam komiteti baslıǵı etip Begjanov Berdaq Karimbaevich saylandı.

Jıynalıs kún tártibindegi máseleler boyınsha juwapkerlerdiń esabatları oqıp esittirilip, máseleler dodalap alındı. Ótken jıl dawamında ámelge asırılǵan jumıslarǵa esabat berilip, aldaǵı wazıypalar belgilep alındı.

Jıynalıs sheńberinde usı jılı ótetuǵın esabat-saylawlardı ádillik penen ótkiziwin támiyinlewge baylanıslı túsinikler berip ótti.