Keyingi jılları basqa tarawlar sıyaqlı densawlıqtı saqlaw tarawında da Ózbekstan Respublikası Prezidentiniń 2020-jıl 30-oktyabrdegi «Salamat turmıs tárizin keń en jaydırıw hám ǵalabalıq sporttı jáne de rawajlandırıw is-ilajları haqqında»ǵı PP-6099 sanlı Pármanı tiykarında xızmetkerler arasında sport jarısların shólkemlestiriw arqalı olardıń bos waqıtların mazmunlı ótkeriw hám ǵalabalıq sportqa keń túrde tartıw arqalı salamat túrmıs tárizin úgit-násiyatlaw boyınsha qatar ilajlar ámelge asırılmaqta.

“Sport-salamatlıq girewi” súreni astında Spartakiada jarıslarınıń  ótkeriliwi sózimizdiń ayqın mısalı bolıp, bunday sport jarısların shólkemlestiriw  tarawda dástúrge aylanǵan.

2022-jıldıń 21-may kúni Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi menen birgelikte Nókis Abu Ali Ibn Sino atındaǵı jámiyet salamatlıǵı texnikumınıń sport bazasında joqarı hám orta arnawlı bilimlendiriw oqıw orınları xızmetkerleri arasında salamat turmıs qálpin engiziw, olardı sportqa keńnen tartıw maqsetinde “Sport-salamatlıq girewi” súreni astında Spartakiada sporttıń armrestling, shashka, stol tennisi, jeńil atletika, darts, arqan tartıw túrleri boyınsha shólkemlestirildi.

Spartakiadanı Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi baslıǵı Baybosınova Lizaxan Allambergenovna ashıp berdi hám jarıs qatnasıwshılarına tabıslar tiledi.

Ótkerilgen Spartakiada juwmaǵında ulıwma komandalıq esap boyınsha:

2-sanlı Nókis medicina kolledji – I orındı;

Tórtkúl medicina kolledji – II orındı;

Xojeli Abu Ali Ibn Sino atındaǵı jámiyet salamatlıǵı texnikumı – III orındı iyeledi.

Spartakiada jarısınıń 1-,2-,3-orın jeńimpazları Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tiyisli dárejedegi kuboklar, medallar, diplomlar hám bahalı sawǵaları menen, sonıń menen birge jarıstıń «Eń jası úlken qatnasıwshı», “Eń sheber háwesker qatnasıwshı”, “Jeńiske bolǵan intiliwi ushın”, “Eń jası kishi qatnasıwshı” nominaciyaları jeńimpazları diplom hám bahalı sawǵalar menen sıylıqlandı.