Taraw xızmetkerleri arasında salamat turmıs qálpin engiziw, olardı sportqa keńnen tartıw arqalı sporttıń ǵalabalıǵına erisiw maqsetinde Nókis qalasında Qaraqalpaqstan Respublikası densawlıqtı saqlaw ministrligi menen birgelikte Nókis Abu Ali Ibn Sino atındaǵı jámiyetlik salamatlıq texnikumı sport bazasında densawlıqtı saqlaw xızmetkerleri arasında sporttıń kishi futbol túri boyınsha 11-noyabr “Kásiplik awqamları kúni” bayramı múnásibeti menen “Ózbekstan densawlıktı saqlaw xızmetkerleri kásiplik awqamınıń Qaraqalpaqstan Respublikası Keńesi kubogi”jarısı ótkerildi.

Jarısqa taraw mákemelerinen   26  komanda  quramında 200 den aslam xızmetkerler qatnastı.

Jarıs juwmaǵında I orındı Respublikalıq tez medicinalıq járdem orayı Qaraqalpaqstan filialı komandası, II-orındı Respublikalık kánigelestirilgen ruwxıy salamatlık ilimiy ámeliy medicina orayı narkologiya xızmeti boyınsha Qaraqalpaqstan Respublikası filialı komandası hám III-orındı Qonırat rayonlıq medicina birlespesi komandası iyelewge eristi.

Sonıń menen qatar jarısta «Eń jaqsı dárwazaman», «Eń jaqsı hújimshi», «Eń jası úlken qatnasıwshı», «Eń jas qatnasıwshı», «Eń jaqsı oyınshı», «Eń jaqsı qorǵawshı» nominaciyaları boyınsha jeńimpazlar da anıqlandı.

Jarıs juwmaǵında jeńimpazlar, nominaciya jeńimpazları, jarısqa belsene qatnasqan komandalar “Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan tiyisli dárejedegi kubok, medallar, diplomlar hám de bahalı sawǵalar menen sıylıqlandı.

Sonıń  menen qatar jarıstı shólkemlestiriwde jaqınnan járdem bergen mákemelerge Ózbekstan densawlıktı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tayarlanǵan bahalı sawǵalar tapsırıldı.