Тармоқ ходимлари ўртасида соғлом турмуш тарзни тарғибот қилиш, уларни спортга кенг жалб этиш орқали спортнинг оммавийлигига эришиш мақсадида Нукус шаҳрида Қорақалпоғистон Республикаси соғлиқни сақлаш вазирлиги билан ҳамкорликда Нукус Абу Али Ибн Сино номидаги жамоат саломатлик техникуми спорт базасида соғлиқни сақлаш ходимлари ўртасида спортнинг мини-футбол тури бўйича 11-ноябрь “Касаба уюшмалари куни” байрами муносабати билан “Ўзбекистон соғлиқни сақлаш ходимлари касаба уюшмасининг Қорақалпоғистон Республикаси Кенгаши  кубоги” мусобақаси ўтказилди.

Мусобақага тармоқ муассасаларидан 26 жамоа таркибида 200 дан ортиқ ходимлар иштирок этдилар.

Мусобақа якунида I ўринни Республика тез тиббий ёрдам маркази Қорақалпоғистон филиалы жамоаси, II ўринни Республика ихтисослаштирилган руҳий саломатлик илмий-амалий тиббиёт маркази наркологик хизмати бўйича Қорақалпоғистон Республикасы филиали жамоаси ва II ўринни Қўнғирот туман тиббиёт бирлашмаси жамоаси эгаллашга эришди.

Шунинг билан бирга Кубок мусобақасида «Энг яхши дарвозабон», «Энг яхши ҳужумчи», «Энг яхши иштирокчи», «Энг ёш иштирокчи», «Энг яхши ўйинчи», «Энг яхши ҳимоячи» номинациялари бўйича ғолиблар аниқланди.

Мусобақа ва номинация ғолиблари ҳамда мусобақада фаол иштирок этган жамоалар Ўзбекистон соғлиқни сақлаш ходимлари касаба уюшмасининг Қорақалпоғистон Республикаси Кенгаши томонидан тегишли даражадаги кубок, медаль, дипломлар ва баҳоли совғалар билан тақдирландилар.

Бундан ташқари, мусобақани ташкил этишда яқиндан ёрдам берган муассасаларга Ўзбекистон соғлиқни сақлаш ходимлари касаба уюшмасининг Қорақалпоғистон Республикаси Кенгаши томонидан тайёрланган баҳоли совғалар топширилди.