2024-jıl 7-may kuni Qaraqalpakstan kórkem óner sarayında 12-may-«Xalıq aralıq miyirbiykeler kúni» bayramı munásibeti menen Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası kenesi menen birgeliktegi bayram ilajı ótkerildi.

Bayram ilajında densawlıqtı saqlaw tarawındaǵı jemisli xızmeti hám 12-may – «Xalıq aralıq miyirbiykeler kuni» bayramı múnásibeti menen bir qatar orta buwın medicina xızmetkerleri Ózbekstan densawlıqtı saqlaw xızmetkerleri kásiplik awqamı Respublikalıq keńesiniń Húrmet jarlıǵı hám de bahalı sawǵaları menen sıylıqlandı.

Sońıń menen qatar orta buwın medicina xızmetkerleri arasında ótkerilgen «Jıldıń eń jaqsı orta medicina hám farmacevtika xızmetkeri» tańlawınıń Qaraqalpaqstan Respublikası basqıshınıń jeńimpazları Qaraqalpaqstan Respublikası densawlıqtı saqlaw ministrligi menen Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń birgeliktegi tiyisli dárejedegi diplomları hám Keńes tárepinen tayarlangan bahalı sawǵaları menen sıylıqlandı.

Bayram ilajları kórkem óner tarawı xızmetkerleriniń kewilli koncert baǵdarlaması menen dawam etti.