2024-жыл 7-май куни Қарақалпакстан көркем өнер сарайында 12-май-«Халық аралық мийирбийкелер күни» байрамы мунәсибети менен Қарақалпақстан Республикасы денсаўлықты сақлаў министрлиги ҳәм Өзбекстан денсаўлықты сақлаў хызметкерлери кәсиплик аўқамының Қарақалпақстан Республикасы кенеси менен биргеликтеги байрам илажы өткерилди.

Байрам илажында денсаўлықты сақлаў тараўындағы жемисли хызмети ҳәм 12-май – «Халық аралық мийирбийкелер куни» байрамы мүнәсибети менен бир қатар орта буўын медицина хызметкерлери Өзбекстан денсаўлықты сақлаў хызметкерлери кәсиплик аўқамы Республикалық кеңесиниң Ҳүрмет жарлығы ҳәм де баҳалы саўғалары менен сыйлықланды.

Соңың менен қатар орта буўын медицина хызметкерлери арасында өткерилген «Жылдың ең жақсы орта медицина ҳәм фармацевтика хызметкери» таңлаўының Қарақалпақстан Республикасы басқышының жеңимпазлары Қарақалпақстан Республикасы денсаўлықты сақлаў министрлиги менен Өзбекстан денсаўлықты сақлаў хызметкерлери кәсиплик аўқамының Қарақалпақстан Республикасы кеңесиниң биргеликтеги тийисли дәрежедеги дипломлары ҳәм Кеңес тәрепинен таярланган баҳалы саўғалары менен сыйлықланды.

Байрам илажлары көркем өнер тараўы хызметкерлериниң кеўилли концерт бағдарламасы менен даўам етти.