20-fevral kúni U.Xalmuratov atındaǵı Respublika kóp tarmaqlı medicina orayında 2022-2024-jıllar ushın qabıl etilgen jámáátlik shártnamasınıń 2023-jılda orınlanıwı hám 2024-jıl ushın qosımshalar kiritiw boyınsha miynet jámáátiniń konferenciyası bolıp ótti. Konferenciyada Oraydıń bas shıpakeri E.R.Abdullaev hám kásiplik awqam komiteti baslıǵı B.Abdijamilovalardıń esabatları, sociallıq miynet komissiyasınıń dálalatnaması tıńlandı. Konferenciyada Ózbekstan Den sawlıqtı saqlaw xızmetkerleri kásiplik awqamınıń Qaraqalpaqstan Respublikası keńesi baslıǵı L.Baybosınova qatnastı.

Sonday-aq, Respublika ftiziatriya emlewxanasında 2022-2024-jıllar ushın qabıl etilgen jámáatlik shártnamasınıń 2023-jılda orınlanıwı hám 2024-jıl ushın qosımshalar kiritiw boyınsha miynet jámáátiniń jıynalısı bolıp ótti. Jıynalısta emlewxananıń bas shıpakeri Z.N.Tigay hám kásiplik awqam komiteti baslıǵı B.Koshkinbaevalardıń esabatları, sociallıq miynet komissiyasınıń dálalatnaması tıńlandı. Jıynalısta Ózbekstan Den sawlıqtı saqlaw xızmetkerleri kásiplik awqamınıń Qaraqalpaqstan Respublikası keńesi esapshısı E.Qurbanov qatnastı.

Sol kúni Respublika qanigelestirilgen ana hám bala salamatlıǵı ilimiy ámeliy orayı Qaraqalpaqstan filialında 2023-2025-jıllar ushın qabıl etilgen jámáátlik shártnamasınıń 2023-jılda orınlanıwı hám 2024-jıl ushın qosımshalar kiritiw boyınsha miynet jámáátiniń konferenciyası bolıp ótti. Konferenciyada filialdıń direktorı G.Ashirbekova hám kásiplik awqam komiteti baslıǵı K.Madiyarovalardıń esabatları, sociallıq miynet komissiyasınıń dálalatnaması tıńlandı. Konferenciyada Ózbekstan Den sawlıqtı saqlaw xızmetkerleri kásiplik awqamınıń Qaraqalpaqstan Respublikası boyınsha miynet texnik inspektorı P.Abdiyazov qatnastı.