Kásiplik awqamları óz iskerligi dawamında elimizdegi demokratiyalıq reformalardı tereńlestiriw hám puqaralıq jámiyetti rawajlandırıw boyınsha ámelge asırılıp atırǵan  reformalar mazmun-mánisine say ráwishte shólkemlestirip, sociallıq sherikshilik principine tiykarlanǵan úsh tárepleme sóylesiwler júrgiziwler arqalı jámáátlik kelisimler qabıl etiw jumısların alıp barmaqta.

Búgingi kúnde Qaraqalpaqstan Keńesine aǵza 1984 baslanǵısh kásiplik awqam shólkemlerinde 314 mıńnan aslam kásiplik awqam aǵzaları 12 tarawda miynet etpekte.

24 kásiplik awqam komitet baslıqları tiykarǵı jumıstan azat etilgen bolsa, 1960 kásiplik awqam komitet baslıqları jámáátshilik baslamada miynetkeshlerdiń mápin qorǵawda belsendilik kórsetip kelmekte.

Kásiplik awqamlarınıń tiykarı bolǵan baslanǵısh shólkemlerge tiykarǵı itibardı qaratıw, olardıń jumısların jetilistiriw kásiplik awqamları joqarǵı organlarınıń eń áhmiyetli wazıypalarınan biri bolǵanlıqtan, búgingi kúnde baslı itibar baslanǵısh shólkemlerdegi hár bir xızmetkerdiń sociallıq qorǵalıwınan shette qalmawı, múlkshilik formasınan qatiy názer, barlıq kárxana, shólkem hám mekemelerde baslanǵısh shólkemlerdiń dúziliwi hámde jámáátlik shártnamalardıń imzalanıwı, olardıń orınlanıwı boyınsha miynet jámááti aldında jılında keminde bir márte esabat berip barılıwın támiyinlew máselelerine qaratılıp kelinbekte.

Dástúrge aylanǵan kórik tańlaw ilajları dawam etpekte.

Hár eki jılda bir márte ótkeriliwi belgilengen «Eń úlgili baslanǵısh shólkem» kórik tańlawınıń tarawlıq respublika basqıshında qatnasqan hám jumısları úlgili tárizde jolǵa qoyılǵan baslanǵısh shólkemler jumısların keńnen eń jaydırıw, orınlardaǵı baslanǵısh shólkemlerdiń jumıslarınıń nátiyjeliligin asırıw, kásiplik awqamları aldında turǵan wazıypalardı hám keleshektegi rejelerdi belgilew hámde óz-ara tájriybe almasıwdı shólkemlestiriw maqsetinde shólkemlestirilmekte.

Búgingi ótkerilip atırǵan ilajda, tarawlıq respublika basqıshında jeńimpaz bolǵan aǵzaları 100-shekemgi hám aǵzaları 100-artıq bolǵan baslanǵısh shólkemler óz-ara bellesiwinde jumısların sáwlelendiriwshi hújjetler (kárxana, shólkemde imzalanǵan jámáátlik shártnamalardıń kóshirmeleri, kásiplik awqam komiteti hújjetler hám t.b.) hám basqa kórgizbeli qurallardan keń paydalanıp ózleri ámelge asırǵan jumısların multimedia, súwretler, bannerler hám videorolikler arqalı kórsetti.

Tiykarǵı bayanatınan soń tańlawdıń tarawlıq respublika basqıshında 1-,2-,3-orın jeńimpazları Keńestiń 1,2,3-dárejeli diplom hámde estelik sawǵaları menen sıylıqlandı.

Aymaqlıq juwmaqlawshı ilajda belsendi qatnasqan baslanǵısh shókemler «Eń shıraylı kórgizbe shólkemlestirgen baslanǵısh shólkem» nominaciyası boyınsha – Qońırat rayonı medicina birlespesi baslanǵısh kásiplik awqam komiteti hám «Jumısların eń jaqsı kórsete alǵan baslanǵısh shólkem» nominaciyası boyınsha “KARAKALPAK SEMENT” juwapkershiligi sheklengen jámiyeti baslanǵısh kásiplik awqam shólkemi Keńestiń qımbat bahalı sawǵa hám diplom menen sıylıqlandı.