11-noyabr – Ózbekstan kásiplik awqamları kúni múnásibeti menen 2022-jıl 9-noyabr kúni Ózbekstan kásiplik awqamları Federaciyasınıń Qaraqalpaqstan Keńesi májilisler zalında ǵalaba xabar quralları wákilleri ushın brifing shólkemlestirildi.

Brifingti Ózbekstan kásiplik awqamları Federaciyasınıń Qaraqalpaqstan Keńesi baslıǵınıń orınbasarı M.K.Daniyarov ashıp, Prezidentimiz Ózbekstan kásiplik awqamları Federaciyasınıń 2020-jılı bolıp ótken VIII Qurıltayı qatnasıwshılarına jollaǵan bayram qutlıqlawında 11-noyabrdi Ózbekstan kásiplik awqamları kúni etip belgilew usunısın bildirip, “Ózbekstan kásiplik awqamları kúnin belgilew haqqında”ǵı Nızam qabıl etilgenligi hám bul jańalıq elimizde kásiplik awqam aǵzaları ayrıqsha quwanısh penen kútip alınǵanlıǵı xaqqında aytıp ótti.

Ilaj dawamında qasiplik awkamlarınıń alıp barǵan jumısları haqqında respublikamızdaǵı ǵalaba xabar quralları wákillerin tanıstırıw maqsetinde M.Q.Daniyarov usı jıldıń 10 ay dawamında kásiplik awqamları tárepinen islengen jumısları hám olardıń aldında turǵan áhmiyetli hám juwapkershilikli wazıypalar haqqında málimleme berdi.

Jurnalistler ózlerin qızıqtırǵan sorawlar berip juwaplar aldı.

Sonday-aq, házirgi waqıtta usınday brifingler Ózbekstan kásiplik awqaları Federaciyasınıń aymaqlıq keńesleri tárepinen Ózbekstan Respublikasınıń barlıq walayatlarında ótkerilmekte.