Ózbekstan kásiplik awqamları Federaciyasınıń Qaraqalpaqstan Keńesi tárepinen usı jıldıń 5-oktyabr kúni Qaraqalpaqstan mámleketlik jas tamashagóyler teatrında bıyılǵı jazǵı balalardı dem aldırıw hám sawalandırıwdı shólkemlestiriwshileriniń Ánjumanı ótkerildi. Ánjumanda balalardı dem aldırıw hám sawalandırıw boyınsha Qaraqalpaqstan Respublikalıq Muwapıqlastırıwshı toparı aǵzaları, tiyisli ministrlikler, mákemeler hám shólkemleriniń wákilleri, balalar dem alıw oraylarınıń basshıları hám xızmetkerleri qatnastı.

Ánjumanda Qaraqalpaqstan Respublikalıq Muwapıqlastırıwshı topar baslıǵınıń orınbasarı, Ózbekstan kásiplik awqamları Federaciyasınıń Qaraqalpaqstan Keńesi baslıǵı, senator U.A.Jalmenov sózge shıǵıp, Respublikamız aymaǵında 2022-jılı jaz máwsiminde 11 stacionar túrdegi oraylarda 7-14 jasına shekemgi 7485 bala hámde 69 mádeniyat hám sport sawallandırıw maydanshalarında 16750 bala qamtıp alınǵanlıǵı, sonıń menen birge Karaqalpaqstan Respublikasınan 2426 bala Andijan, Buxara, Jizzax, Qashqadarya, Namangan, Nawayı, Surxandarya, Sırdarya, Ferǵana, Tashkent hámde Xorezm walayatlarındaǵı stacionar túrdegi oraylarda biypul sawallandırılǵanlıǵı haqqında maǵlıwmat berip ótti.

Ilajda bıyılǵı jılǵı nominaciya jeńimpazları xoshametlendi.

Atap aytqanda,  Moynaq rayonında jaylasqan “Aq keme” balalar dem alıw orayı jámááti “Eń jaqsı dem alıw orayı-2022”, Ellikqala rayonında jaylasqan “Aral balaları” orayı baslıǵı Allambergenov Rashid «Eń jaqsı balalar dem alıs orayı baslıǵı», Beruniy rayonında jaylasqan “Rohat” orayı baslıǵı Mamutov Shukurullo “Eń jaqsı juwaplı shólkemlestiriwshi”, Taqıyatas rayonında jaylasqan “Aydın jol” orayınıń baslıǵı Jumanazarov Bekmurat “Eń belsene birge islesiwshi oray baslıǵı”, «Ózbekstan temir jolları» AJ basqarıw baslıǵı Xasilov Xusnutdin “Eń jaqsı birge islewshi shólkem”, “Aq keme” orayınıń tárbiyashısı Kosherova Abadan “Eń ǵamxor tárbiyashısı”, Tórtkúl rayonında jaylasqan “Lochin” orayınıń jetekshisi Zaripova Aziza Umirbek kizi «Eń belsendi jetekshi», “Aral balaları” orayınıń sport shınıqtırıwshısı Kurbanov  Ixtiyar «Eń jaqsı sport shınıqtırıwshısı», – Nókis qalasında jaylasqan “Turan” orayınıń dógerek basshısı Yakupova Aysulıw «Eń sheber dógerek basshısı», “Aydın jol” orayınıń aspazı Abdullaev Alisher “Eń jaqsı aspaz”, Tórtkúl rayonı hákimi Shamuratov Rustam Azatovich “Eń jankúyer hákim” hám «Nukus lada trans» JShJ baslıǵı Urazımbetov Islambek “Jaz máwsimin shólkemlestiriwde belsendilik kórsetip birge islesken shólkem” nominaciyaları boyınsha jeńimpazlar dep tabılıp Ózbekstan kásiplik awqamları Federaciyası Qaraqalpaqstan Keńesiniń qımbat bahalı sawǵalar hám diplomları tapsırıldı.

Balalardı dem aldırıw hám sawalandırıw máwsiminiń barısında jaqınnan járdem bergeni ushın Beruniy rayonı Xalıq bilimlendiriw bólimi metodisti Yusupova Ulbosın, QR qorǵaw basqarması Nókis qalalar ara qorǵaw bólimi qatardaǵı xızmetkeri Joldasbaev Berdaq, Nókis qalasında jaylasqan «Turan» orayı direktorı Kadırov Renat, Nókis qalasında jaylasqan «Aral» orayı direktorı Torebaeva Peruza hámde Tórtkúl rayonında jaylasqan «Lochin» orayı direktorı Saburov Rashid Ózbekstan kásiplik awqamları Federaciyası Qaraqalpaqstan Keńesiniń “Húrmet Jarlıǵı” menen sıylıqlandı.

Ilaj dawamında belgili kórkem-óner ǵayretkerleri hám jas talantlılar tárepinen koncert baǵdarlaması qoyıp berildi.