Ózbekstan kásiplik awqamları Federaciyasınıń «Ishonch» hám «Ishonch-Doverie» gazetaları redakciyası tárepinen 2023-jılı 6-oktyabr kúni Ózbekstan kásiplik awqamları Federaciyasınıń Qaraqalpaqstan Keńesi májilisler zalında jergilikli baspa sóz redaktorları, jurnalistler, kásiplik awqamları xızmetkerleri, belsendeleri hámde ıqlasbentler menen ashıq-aydın pikirlesiw tárezinde «Ishonch» hám «Ishonch-Doverie» gazetalarınıń Qaraqalpaqstan Respublikasındaǵı kúnleri» dóretiwshilik ushırasıwı ótkerildi.

Ushırasıwdı Senator, Ózbekstan kásiplik awqamları Federaciyasınıń Qarakalpaqstan Keńesi baslıǵı U.Jalmenov kiris sóz benen ashıp, óz sózinde Ózbekstan kásiplik awqamları Federaciyasınıń «Ishonch» hám Ishonch-Doverie» gazetalarınıń elimiz ǵárezsizligi menen teńles ekenligin, usı dáwirler ishinde elimizde ámelge asırılıp atırǵan dóretiwshilik jumıslar, úlken joybarlardıń orınlanıwı menen tanısıw, xalıq penen pikir alısıwına, kásiplik awqamları háreketiniń rawajlanıwına, kásiplik awqamları tárepinen ámelge asırılıp atırǵan jumıslardı keń jámáátshilikke jetkeriwde salmaqlı úles qosıp kiyatırǵanlıǵına toqtap ótti.

Ushırasıwda «Ishonch» gazetasınıń redaktorı orınbasarı J.Naxanov hámde xabarshı U.Xudayberdievalar sózge shıǵıp, keyingi jıllarda elimizdegi ózgerisler, ámelge asırılǵan jumıslar hám qolǵa kirgizgen tabıslar, aldımızǵa qoyǵan maqsetler haqqında, sonday-aq Ózbekstan kásiplik awqamlarındaǵı ózgerisler, “Ishonch” gazetasınıń basıp ótken jolı, tarıyxı hámde elimizde mámleketimiz tárepinen ǵalaba xabar qurallarına úlken dıqqat ajratılǵanlıǵı, jurnalistlik etikasi, redkollegiya aǵzalarınıń aldında turǵan wazıypalar hámde 2024-jılǵa «Ishonch» gazetasına jazılıw boyınsha tártip hám qaǵıydaları haqqında keń túrde aytıp ótti.

Ushırasıwda dóretiwshilik sheginisler bolıp, diskussiyalıq túrde ótkerildi, qatnasıwshılar tárepinen keleshekte gazeta elede qızıqlı, ǵalabalıǵın támiyinlewge qaratılǵan usınıs pikirlerin bildirdi hám bayanatshılarǵa sorawlar berip, tiyisli juwaplar aldı.

Ilajda aymaqlıq gazetalarınıń bas redaktorları, Qaraqalpaqstan teleradiokompaniyasınıń hámde keń jámáátshilik wákilleri hám kásiplik awqamlarınıń belsendileri qatnastı.