Usı jıldıń 28-mart kúni Qaraqalpaqstan Respublikası Ayrıqsha jaǵdaylar basqarması jámáátlik shártnamasınıń 2021-jılda orınlanıwı boyınsha miynet jámáátiniń májilisi bolıp ótti.

Jıynalısta basqarma baslıǵı A.Davletov, kásiplik awqam shólkemi baslıǵı E.Qosbaevlardıń esabatları tıńlandı.

Xızmetkerler arasında miynetke tiyisli, sociallıq-ekonomikalıq máplerin qorǵaw, miynet wazıypasın orınlaw menen baylanıslı bolǵan jaraqatlanıwlar, kásip keselliklerine shalınıwı yakı salamatlıǵınıń basqa da jaraqatlanıwlarınıń aldın alıw. Miynetti qorǵaw boyınsha xızmetkerlerge arnawlı kiyim-bas, arnawlı ayaq kiyim hámde basqa jeke qorǵanıw hám gigiena qurallları menen támiyinlew, miynet hám dem alıw tártipleri, jeńillikler hám kompensaciya tólewleri, jeke hám jámiyetlik qorǵaw buyımlarına bolǵan talaplarǵa qanday ámel etilgenligi, xızmetkerlerdiń miynet xuqıqların qorǵawdı támiyinlew, olardıń bilim dárejesin esapqa alǵan halda is haqı tóleniwi ústinen jámiyetshilik qadaǵalawdı ornatıw.

2021-jıl dawamında baslanǵısh kásiplik awqam shólkemi aǵzalarınıń balaları Moynaq rayonındaǵı “Aq keme” hám Ellikqala rayonındaǵı “Aral balları” jazǵı dem alıw hám sawalandırıw oraylarında sawalandırıldı.

Baslanǵısh kásiplik awqam shólkemi aǵzalarına Tashkent wálayatı Qıbray rayonında jaylasqan “Umit gulshani” sanatoriyası, Bostanlıq rayonında jaylasqan “Oq-tosh” sanatoriyası hámde Jizzax wálayatı Zomin rayonındaǵı “Zomin” sanatoriyalarına baslanǵısh kásiplik awqam shólkemi esabınan jollamalar alıp berildi.

2021-jıl dawamında baslanǵısh kásiplik awqam tárepinen ishki turizmdi rawajlandırıw maqsetninde islewshi 50 xızmetkerdi Samarqand wálayatına, 23 xızmetkerdi Xiywa qalasına sayaxatlar shólkemlestirildi.

Jıynalısta Ózbekstan mámleketlik mákemeler hám jámiyetlik xızmeti xızmetkerleri kásiplik awqamı Qaraqalpaqstan Keńesi baslıǵı S.Otewliev sózge shıǵıp, búgingi kúnde mámleketimizde alıp barılıp atırǵan sociallıq-ekonomikalıq jaqtan rawajlanıwlar, qabıl etilip atırǵan Nızam hújjetleri hám mámlekeltik dástúrlerdiń áhmiyeti, sonıń menen birge kásiplik awqamlar táepinen ámelge asırılǵan jumıslar hámde aldaǵı wazıypalar haqqında aytı ótti.

Jıynalıs sońında qatnasıwshılar tárepinen óz-ara pikir almasıwlar, soraw-juwaplar bolıp ótti.