1-oktyabr-«Muǵallimler hám ustazlar kúni» bayramı múnásibeti menen usı jıldıń 24-sentyabr kúni Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi quramındaǵı ulıwma orta bilim beriw mákemelerinde islep atırǵan pedagog xızmetker Shılpıq qorǵanına, Beruniy rayonında jaylasqan Sultan Uvays baba hám Ellikqala rayonında jaylasqan Keshirmes baba, Norimjon baba zıyarat orınlarına alıp barıldı. Dáslebinde zıyaratshılar Sultan Uvays baba zıyarat ornına barıp, ol jerde quran oqılıp, pátiya etildi. Bunnan soń Keshirmes baba hám Norimjon baba zıyarat orınlarına da barıp, ol jerde de quran oqılıp, pátiya etildi.

Sonday-aq, 25-sentyabr kúni ulıwma túrdegi mektepke shekemgi bilimlendiriw shólkemleriniń pedagog xızmetkerleri Qońırat rayonındaǵı Dawıt ata, Moynaq rayonı aymaǵında jaylasqan Hákim ata zıyarat orınlarına barıp, ol jerde quran oqılıp, pátiya etildi. Moynaq rayonındaǵı kemeler qábiristanına, tariyx muzeyine barıp ózlerine bay azıq alıwǵa eristi.

Zıyaratshılarǵa bul tariyxıy kompleks orınlarınıń tariyxı, ullı tulǵalar, olardıń maqbaralarınıń qashan qurılǵanı haqqında qánigeler tárepinen keń túsinikler berildi.

Tariyxıy kompleks orınlarına bolǵan zıratlar xızmetkerler qálbinde úlken tásirler qaldırdı.