2026-jıl 16-aprel kúni Nókis qalasındaǵı 22-sanlı orta mektepte jas oqıtıwshılar menen ushırasıw bolıp ótti. Bul ilaj Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi tárepinen shólkemlestirildi.

Ushırasıwdan gózlengen tiykarǵı maqset jas oqıtıwshılardı qollap-quwatlaw, olardıń belsendiligin asırıw hám de bilimlendiriw tarawındaǵı qosıp atırǵan úlesi hám baslamaların xoshametlewden ibarat boldı. Atap ótiw kerek, bul mektep jamáátiniń derlik 30 payızın jas oqıtıwshılar quraydı.

Ilaj dawamında qatnasıwshılar arasında qızǵın sáwbet bolıp ótti, tarawdaǵı aktual máseleler talqılandı. Sonıń menen birge, oqıtıwshılar arasında “Zakovat” intellektuallıq oyını shólkemlestirilip, qatnasıwshılardıń bilim hám qábileti sınaqtan ótkerildi.

Belsene qatnasqan toparlar arasınan jeńimpazlar anıqlanıp, olar múnásip sıylıqlandı.