Ilaj, Ózbekistan Kasaba awqamları Federaciyası baslıǵı Qudratilla Rafiqovtıń «Millat Shavkati» kitabınıń prezentaciyasına baǵıshlandı.

Usı jıldıń 15-sentyabr kúni Qaraqalpaqstan awıl xojalıǵı hám agrotexnologiyalar institutında Ózbekistan agrosanat kompleksi xızmetkerleri kásiplik awqamı Respublika keńesiniń miynetkeshlerdiń sociallıq-ekonomikalıq mápilerin qorǵaw bóliminiń bas qánigesi Nazarov Nodirbek Askarovich hám Ózbekistan Agrosanat kompleksi xızmetkerleri kásiplik awqamı Respublika Keńesiniń Qaraqalpaqstan Respublikası boyınsha juwapker shólkemlestiriwshisi Seytnazarov Erǵali Erjanovichlardıń basshılıǵında ótkerildi.

Máripiy ushırasıwda Ózbekistan kásiplik awqamları Federaciyası baslıǵı, senator Qudratilla Rafiqovtıń qálemine tiyisli áserge baǵıshlanǵan bayanatı tıńlandı.

Nodirbek Nazarov kitapta alǵa súrilgen milliy ózlikti ańlaw, tariyxıy estelikti qádirlew hám Oatanǵa sadıqlıq ideyalarınıń búgingi kún ushın áhmiyetine ayrıqsha toqtap ótti. Sonday-aq, sońǵı on jıllıqta elimizde alıp barılıp atırǵan ulken reformalar hám barlıq tarawlardaǵı unamlı jańalanıwlar haqqında pikir júritildi.