2026-jıl 13-aprel kúni «Salamat denede – sapalı medicina» súreni astında medicina xızmetkerleri ortasında sporttıń kishi-futbol, voleybol, stol tennisi, shaxmat hám shashka túrlerinen Ózbekstan kásiplik awqamları Federaciyası kubogi jarısları ótkerildi.

Sport jarıslarınıń ashılıw máresimine Qaraqalpaqstan Respublikası densawlıqtı saqlaw ministri orınbasarı B.Alimbetov, Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesi baslıǵı L.Baybosınovalar qatnastı.

Ózbekstan kásiplik awqamları Federaciyası kubogi jarıslarında 230 artıq xızmetkerler qatnastı.

Sport jarıslarınıń jeńimpazlar Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesiniń birgeliktegi  tiyisli dárejedegi diplomları, keńes tárepinen tayarlanǵan bahalı sawǵaları menen sıylıqlandı.