Medicina mákemeleri xızmetkerleriniń fizikalıq belsendiligin asırıw, densawlıqların bekkemlew, olar arasında salamat turmıs tárizin úgit-násiyatlaw hám bul baǵdarda alıp barılıp atırǵan jumıslardıń nátiyjeliligin jáne de asırıw maqsetinde Qaraqalpaqstan Respublikası densawlıqtı saqlaw ministrligi hám Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası keńesiniń qospa qararı tiykarında Qaraqalpaqstan Respublikası aymaqlıq balalar medicinalıq reabilitaciya orayında medicina mákemeleri  xızmetkerleri arasında sporttıń  kishi futbol, shashka, shaxmat, stol tennisi túrleri  boyınsha spartakiada jarısınıń Qaraqalpaqstan Respublikası basqıshı ótkerildi.

Jarıs juwmaǵında sporttıń kishi futbol túrinen I orındı Shımbay rayonlıq medicina birlespesi, II orındı Kegeyli rayonlıq medicina birlespesi, III orındı Shomanay rayonlıq medicina birlespesi komandaları iyeledi.

Jarıs juwmaǵında jeńimpazlar Ózbekstan densawlıqtı saqlaw xızmetkerleri kásiplik awqamınıń Qaraqalpaqstan Respublikası Keńesi tárepinen tiyisli dárejedegi diplom, medal hám de bahalı sawǵaları menen sıylıqlandı.

Spartakiada jarısınıń hár bir sport túri boyınsha jeńimpazları Tashkent qalasında ótkeriletuǵın final basqıshında qatnasıw  jollamasın qolǵa kiritti.