Ózbekstan kásiplik awqamları iskerliginiń 120 jıllıǵına baǵıshlap Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi quramındaǵı bilimlendiriw mákemelerinde ilajlar ótkeriliwi joybarlastırılǵan edi.

Sol qatnas menen usı jıldıń 10 oktyabr kúni Nókis qala 5-sanlı ulıwma orta bilim beriw mektep jıynalıslar zalida de Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi tárepinen Ózbekstan kásiplik awqamları iskerliginiń 120 jıllıq tariyxı, Ózbekstan Respublikasınıń «Kásiplik awqamları haqqında»ǵı, «Pedagogdıń mártebesi haqqında»ǵı nızamları, «Miynet kodeksi»nıń áhmiyeti hám mazmun-mánisin túsindiriw maqsetinde ruwxıylıq sabaǵı ótkerildi.

Ótkerilgen ruwxıylıq sabaǵında mekteptiń oqıtıwshıları hám jumısshı xızmetkerleri qatnastı.

Ruwxıylıq sabaǵı qatnasıwshılarına joqarıda belgilengen Ózbekstan kásiplik awqamlarınıń 120 jıllıq tariyxı, nızamlardıń, kodeksning mazmun-mánisi, xızmetkerlerdiń múnásip miynet sharayatında islewinde tutqan ornı, búgingi kúnde xızmetkerlerge jaratılıp atırǵan múmkinshilik hám qolaylıqlar, olardı social qorǵaw salasında alıp barılıp atırǵan jumıslarǵa keń toqtalıp ótildi.

Ruwxıylıq sabaǵı dawamında Ózbekstanda kásiplik awqamları iskerliginiń 120 jıllıǵına baǵıshlap tariyxıy dereklerge tayanǵan halda tayarlanǵan tarqatpa materiallar qatnasıwshılarǵa tarqatıldı.

Sonıń menen birge, bul mekteptiń huqıqtanıw tiykarları páni oqıtıwshı M.Rzamuratova tárepinen Ózbekstan Respublikası Miynet kodeksi boyınsha keń maǵlıwmatlar berilip, qatnasıwshılarǵa kodeksda qosımsha kiritilgen ózgertiwler haqqında keń túsinik berildi.

Ruwxıylıq sabaǵı dawamında qatnasıwshılar sorawlar berip, ózlerine tiyisli kóp maǵlıwmatlar alıp, ruwxıylıq sabaǵıń mazmunli ótiwinde aktivlik kórsetdi.

Sol sıyaqlı ruwxıylıq sabaqları, oqıw-seminarları hám ushırasıwlar qalasımızdaǵı basqa tálim mákemelerinde joba tiykarında dawam ettirip barıladı.

Sonday-aq, usı kúnniń ózinde qaladaǵı 42-sanlı ulıwma orta bilim beriw mektebinde «Úsh áwlad» ushırasıw keshesi bolıp ótti. Bul ilájǵa usı mektepte uzaq jıllar dawamında jemisli miynet islep ketken miynet nuranıyları B.Samaxova, Q.Xudaybergenova, J.Seytmuratovalar, sonday-aq mektepte búgingi kúnde islep kiyatırǵan ustaz muǵallimler A.Ubbiniyazov, N.Mambetova, J.Seyitmuratova hám olardıń jas shákirtleri qatnastı.

Iláj dawamında nuranıy ustazlar ózleriniń basıp ótken miynet jolları haqqında aytıp ótip, búgingi kúnde bilimlendiriw tarawında alıp barılıp atırǵan reformalar nátiyjesinde erisilip atırǵan jetiskenlikler kóz quwantarı, házirgi kúnde jaratılıp atırǵan imkániyat hám múmkinshiliklerden nátiyjeli paydalanıp, keleshegimiz bolǵan jas áwladtı bilimli hám kámil insanlar etip tárbiyalaw jolında házirgi kúnde islep atırǵan pedagoglarǵa, olardıń jas shákirtlerine jumıslarında tabıslar tiledi. Óz gezeginde mektep jámááti nuranıy ustazlarǵa hámiyshe ustazlıq etiwden sharshamay, ózleriniń bay násiyatların berip, mektep penen tıǵız baylanısta bolıp turıwına tilekleslik bildirdi.

Ótkizilgen ushırasıw mazmunlı hám qızıqlı tárizdegi pikir alısıwlarǵa bay túrde bolıp, qatnasıwshılarda úlken tásirler qaldırıldı.