Ellikqala rayonı Aqshakwl máhállesinde jaylasqan «Aral balaları» dem alıw orayında 2024-jıl jaz máwsimin joqarı dárejede shólkemlestiriw hám de onı ótkeriw boyınsha aymaqlıq ámeliy oqıw ámeliy seminarı bolıp ótti.

Usı seminarda aymaqlıq komissiyası aǵzaları, kásiplik awqam Federaciyası Qaraqalpaqstan Keńesi basshıları hámde belsendileri, tiyisli ministrlikler, basqarmalar, kárxana, shólkem basshıları, dem alıw orayı basshıları hám de xızmetkerleri qatnastı. Seminardı Balalardıń dem alıwın hám sawallandırıwın shólkemlestiriw departamenti Qaraqalpaqstan basqarması baslıǵı S.Otewliev kiris sózi menen ashıp berdi hám perzidiuim aǵzalarına sóz berildi. Usı seminarda tiyisli ministrlik hám basqarmalardıń juwapker xızmetkerleri tárepinen tayarlanǵan bayanatları tıńlandı.

Aymaqlıq seminar qatnasıwshıları menen birge, máwsim dawamında barlıq dem alıw oraylarında balalardıń qáwipsiz dem alıwların támiyinlewge qaratılǵan qaǵıydalar, atap aytqanda sanitariya qaǵıydaları hám normalarına ámel etiliwi boyınsha qatar wazıypalar belgilenip alındı.

Seminar dawamında Senator, Ózbekstan kásiplik awqamları Federaciyası Qaraqalpaqstan Keńesi baslıǵı, Balalardıń dem alıwın sistemalı shólkemlestiriw hám sawallandırıw máseleleri boyınsha aymaqlıq komiyassiya baslıǵı orınbasarı U.Jalmenov, Qaraqalpaqstan Respublikası Den sawlıqtı saqlaw ministriniń orınbasarı G.Abdusametova, Qaraqalpaqstan Respublikası mektepke shekemgi hám mektep bilimlendiriw ministri orınbasarı M.Shlimbetova hám qatar ministrlik, basqarma juwapkerleri óz bayanatları menen qatnastı.

Ámeliy oqıw seminarda ótken jılǵı jumıslar analiz etilip, olardaǵı kemshiliklerdi qaytalamaslıq ushın anıq tapsırma hám kórsetpeler berilip barıldı.

Seminar qatnasıwshılarınıń jaz máwsimi boyınsha qızıqtırǵan soraw juwaplar menen erkin diskussiya formasında dawam ettirildi.