Ózbekstan Isbilermenlik,biznes hám xızmet kórsetiw tarawları kásiplik awqamı Qaraqalpaqstan Respublikası birlesken komiteti taraw dizimindegi baslanǵısh kásiplik awqamı shólkemlerinde islewshi xızmetkerler arasında sporttıń kishi futbol túri boyınsha sport jarısı shólkemlestirildi.

“Ózbekstan kásiplik awqamları háreketiniń 120 jıllıǵı” múnásebeti menen ótkerilgen sport jarısında Tórtkúl, Nókis, Xojeli, Taqıyatas rayonları hám Nókis qalası abadanlastırıw basqarması, Qaraqalpaqstan Respublikası Toza-hudud MUK, Abadanlastırıw Departamenti, Nókis qalası 1 hám 2 sanlı Politexnikumınan jámi 9 komanda qatnastı.

Keskin gúreslerge bay bolǵan sport jarısında Tórtkúl rayon abadanlastırıw basqarması 1-orın, Xojeli rayon abadanlastırıw basqarması 2-orın, Taqıyatas rayon abadanlastırıw basqarması 3-orındı iyeledi.

Sport jarısı jeńimpazları shólkemlestiriwshiler tárepinen diplom hám sawǵalar menen sıylıqlandı.