Ózbekstan kásiplik awqamlarınıń 120 jıllıǵı múnásebeti 21-mart Nawrız bayramına baǵıshlap Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi tárepinen usı jıldıń 25-mart kúni sporttıń voleybol túrinen jarıs ótkerildi.

Ótkerilgen sport jarısında Nókis qalasındaǵı ulıwma orta bilim beriw mekteplerinde islep atırǵan er ballardan ibarat komandalar qatnastı.

Jarıs ulıwma orta bilim beriw mekteplerindegi xızmetkerlerdiń fizikalıq tayarlıqların asırıw, sportqa bolǵan qızıǵıwshılıǵın jáne de bekkemlew hám salamat turmıs tárizine ótiwdi xoshametlew maqsetinde ótkizildi. Jarıs qatnasıwshıları óz uqıpları hám sportqa bolǵan qızıǵıwshılıǵın kórsetti.

Ilaj juwmaǵında jeńimpazlar anıqlandi:

31-sanlı ulıwma orta bilim beriw mektebi jámááti 1-orındı;

28-sanlı ulıwma orta bilim beriw mektebi jámááti 2-orındı;

52-sanlı ulıwma orta bilim beriw mektebi jámááti 3-orındı;

27-sanlı ulıwma orta bilim beriw mektebi jámááti 4-orındı iyeledi.

Jarıs jeńimpazlarına Ózbekstan bilimlendiriw hám ilim xızmetkerleri kásiplik awqamı Nókis qalalıq bólimshesi tárepinen diplomlar hám qımbat bahalı sıylıqlar tapsırıldı.

Sol arqalı ulıwma orta bilim beriw mekteplerinde islewshi xızmetkerlerdiń sportqa bolǵan qızıǵıwshılıǵın jáne de asırıp, olardıń jámáátlik jumısların bekkemlewge xızmet etedi.